Post News Media ព័ត៌មានសិល្បៈ និងកម្សាន្ត អតីត Freshy g...

អតីត Freshy girl លេខ២ ថៃ នារីសុជាតា លេចមុខបរិច្ចាគឈាម

ចែកចាយបន្ត

ភ្នំពេញ: បាត់មុខពីសិល្ប:មួយរយ:អតីត Freshy girl លេខ២ ឆ្នាំ២០១០កញ្ញាថៃ នារីសុជាតា ដែលជាកូនស្រីលោក ថៃ នរ:សត្យា និងកវីនិពន្ធបទចម្រៀងដ៏ល្បីឈ្មោះអ្នកស្រី ងិន ម៉ានីយ៉ា ត្រូវគេឃើញលេចមុខយ៉ាងក្រឡឺមនៅមណ្ឌលផ្ដល់ឈាមនៅបរិវេណមន្ទីរពេទ្យមិត្តភាពខ្មែរសូវៀត កាលពីថ្ងៃទី១៦ តុលាមុននេះ។ នេះជាការបង្ហាញខ្លួន បន្ទាប់ពីតារារូបនេះ ត្រូវបានគ្រួសារបញ្ជាក់ថា នាងទៅសិក្សាជំនាញផ្នែកសិល្ប:នៅប្រទេសថៃអស់មួយរយ:។

អ្នកស្រី ងិន ម៉ានីយ៉ា កវីនិពន្ធបទចម្រៀងដ៏ល្បីដែលត្រូវជាម្តាយបង្កើតបានបញ្ជាក់ថា ការបាត់មុខរបស់ ថៃ នារីសុជាតា មួយរយ:ធំកន្លងមកនេះ ដោយសារតែនាងត្រូវទៅសិក្សាផ្នែកសិល្ប:នៅប្រទេសថៃ ហើយនាងនឹងត្រឡប់មកក្នុងវិស័យសិល្ប:វិញ។

អ្នកស្រីនិយាយថា «ជាតា ទើបត្រឡប់មកពីថៃវិញ ក្រោយរៀនចប់នៅទីនោះផ្នែក ឌីហ្សាញ និងអ្នកដើរម៉ូដអាជីពនោះ»

រូបភាពដែលថតកាលពីម្សិលមិញ បានបង្ហាញឲ្យឃើញថា ប្អូនស្រីពៅរបស់ Freshy Boy លេខ១ឆ្នាំ២០១៦ លោក ថៃ នរ:ពិទូ រូបនេះបានបំពេញក្រដាសបែបបទ និង ឈរតម្រង់ជួរចាំបរិច្ចាគឈាម ក្រោយពេលតារារូបនេះហាក់ដូចជាមិនសូវចូលប្រឡូកក្នុងវិស័យសិល្ប:ពេញលេញ បន្ទាប់វិលពីប្រទេសថៃនោះ។

នៅថ្ងៃបរិច្ចាគឈាមកាលពីម្សិលមិញ តារាស្រីវ័យជាង ២០ ឆ្នាំរូបនេះ មិនមែនទៅបរិច្ចាគឈាមតែម្នាក់ឯងឡើយ ពោលគឺជាង១០នាក់ ហើយក្នុងនោះមានវត្តមានមិត្តភក្ដិ ដែលជាអ្នកសិល្ប:ដូចគ្នាពីរនាក់ទៀតរួមមានកញ្ញា សន សុធី ពិធីការិនីនៅស្ថានីយទូរទស្សន៍បាយ័ន និងលោក គីម សុងឌីន ដែលជាអ្នកចម្រៀង Original ផងដែរ។

សុជាតា និយាយថា «ខ្ញុំមានទីផ្សារច្រើននៅប្រទេសថៃ ទាំងដើរម៉ូដ និង ឌីហ្សាញ ហើយខ្ញុំទទួលបានការងារជាប្រចាំនៅប្រទេសថៃ ប៉ុន្តែនៅពេលមកស្រុកខ្មែរនេះ ខ្ញុំមិនទាន់បានទាក់ទងការងារនៅឡើយទេ»

photo_2016-10-17_17-27-59

photo_2016-10-17_17-28-00-2

photo_2016-10-17_17-28-00

photo_2016-10-17_17-28-01

photo_2016-10-17_17-28-02

photo_2016-10-17_17-27-57