Post News Media ព័ត៌មានសិល្បៈ និងកម្សាន្ត វ៉ា នីឡា លេចម...

វ៉ា នីឡា លេចមុខជាថ្មីនៅអូស្រ្តាលី

ចែកចាយបន្ត

ភ្នំពេញ: តាំងពីថ្ងៃទី១៥ ខែតុលា ម្ល៉េះដែលតារាចម្រៀងកញ្ញា វ៉ា នីឡា បានឡើងទៅដល់ប្រទេសអូស្រ្តាលី ដោយមានតារាចម្រៀងផ្សេងទៀតដូចជាអ្នកនាង ឆៃលី ដាឡែន អមដំណើរ។ នេះជាដំណើរការទៅកាន់ប្រទេសទំនើបនេះជាលើកទី២ ខណ:ដែលនាងទើបតែបានជោគជ័យក្នុងការសម្ដែងនៅអូស្រ្តាលី កាលពីច្រើនសប្ដាហ៍មុនសោះ ក៏ត្រូវគេអញ្ជើញឲ្យទៅសម្ដែងជាថ្មីម្ដងទៀត។

ក្នុងចំណោមតារាចម្រៀងល្បីៗរួមមានលោក អាន គុនកូឡា លោក អេឡិច ចន្ត្រា និង កញ្ញា អេមី ជាដើម គេកត់សម្គាល់ថាមានតែតារាចម្រៀងទើបមានសំណាងបានទៅអូស្រ្តាលីនាង វា នីឡា ម្នាក់ប៉ុណ្ណោះ ដែលមានសំណាងបានទៅអូស្រ្តាលីជាថ្មីម្ដងទៀតនៅអំឡុងខែតុលានេះ។ នាងត្រូវបានអញ្ជើញជាថ្មី បន្ទាប់ពីការសម្ដែងលើកទី១ត្រូវបានបញ្ចប់ដោយជោគជ័យកាលពីពេលពាក្យបណ្ដឹងរបស់នាងត្រូវបញ្ជូនទៅកាន់តុលាការ។ដូច្នេះហើយទើបអ្នកខ្លះយល់ថារឿងអាស្រូវដែលបានប្រែក្លាយជាការអាណិតពីសំណាក់មហាជនចំពោះនាងវិញ បានជួយឲ្យទីផ្សារសិល្ប:របស់តារាស្រីរូបនេះប្រែប្រួល។

ជាក់ស្ដែងបើគ្មានចុះផ្សាយគគ្រឹកគគ្រេងពីបណ្ដាញសារព័ត៌មានជួយថ្កោលទោសចំពោះទង្វើអ្នកបង្ហោះរួបថតរបស់នាងកាលនោះទេ ប្រហែលជាមនុស្សតិចណាស់ចាប់អារម្មណ៍ពីការងារសិល្ប:របស់នាង ជាពិសេសមហាជនក្រៅស្រុក។

វ៉ា នីឡា បានទទួលស្គាល់ទីផ្សារសិល្ប:របស់នាងមានការឈានឡើងជាពិសេសក្នុងពេលដែលនាងគ្រាន់តែបញ្ចប់ការសម្ដែងនៅអូស្រ្តាលី ហើយក៏ទទួលបានការសម្ដែងមួយផ្សេងទៀតភ្លាមនៅខែតុលានេះ។ នាងថាខ្លួនការសម្ដែងជាលើកទីរបស់នាងលើកនេះ នឹងទទួលបានការចាប់អារម្មណ៍ជាងលើកទី១ ដោយសារទី១បងប្អូននៅអូស្រ្តាលីធ្លាប់ស្គាល់នាងម្ដងរួចទៅហើយ និងម្យ៉ាងមកពីការសម្ដែងលើកនេះគឺអមដោយតារាល្បីៗកាន់តែច្រើនមិនចាញ់លើកមុននោះផង ទើបនាងរំពឹងពីភាពលេចធ្លោ។ នាងគម្រោងស្នាក់នៅសម្ដែងនៅអូស្ត្រាលីរយ:ពេលច្រើនសប្ដាហ៍ ប៉ុន្តែមិនមានគម្រោងបន្តការសម្ដែងទៅកាន់ប្រទេសទី៣ទៀតទេ បន្ទាប់ពីចប់ការសម្ដែងលើកនេះ។ ក្នុងនោះពាក្យបណ្ដឹងរបស់នាងក៏នៅតែបន្តនិតិវិធីជាមួយនិងតុលាការផងដែរដោយមានបងប្រុសនាង និងមេធាវីរបស់នាង ជាអ្នកជំនួសមុខ៕

វ៉ា នីឡា

វ៉ា នីឡា

វ៉ា នីឡា

វ៉ា នីឡា

វ៉ា នីឡា

វ៉ា នីឡា

វ៉ា នីឡា

វ៉ា នីឡា

វ៉ា នីឡា