Post News Media ព័ត៌មានសិល្បៈ និងកម្សាន្ត ល្បីថា សុខ សោ...

ល្បីថា សុខ សោម៉ាវត្តី ចូលរោងការ​ជាថ្មី ជាមួយអ្នករួមអាជីព​

ចែកចាយបន្ត

ភ្នំពេញ: ក្រោយពីប្រកាស​ជា​សាធារណ:ថា ជីវិត​អាពាហ៍ពិពាហ៍សំពះ​ក្បាលដល់កន្ទាល បានរលត់​ ចែកចាន​ចែក​ឆ្នាំង នោះ ស្រាប់តែនៅថ្ងៃទី​១៨ ខែតុលា ឆ្នាំ​២០១៦ នេះ បានលេច​ឭនូវព័ត៌មាន​មួយឲ្យដឹងថា សុខ សោម៉ាវត្តី កំពុងក្រាបផ្ទឹម រៀបការ​ ជាមួយមិត្តរួម​អាជីព ។

ជុំវិញ នៃការធ្លាយរូបភាពនេះ បានធ្វើឲ្យប្រិយមិត្តជាច្រើន ឆ្ងល់យ៉ាងខ្លាំង ដោយដាក់​ជាសំនួរ ចោទថា តើរឿងនេះ ពិតឬយ៉ាងណា ?​

យ៉ាងណាមិញ បើផ្អែកទៅលើរូបភាពនេះ គេសង្កេតឃើញថា សុខ សោម៉ាវត្តី កំពុ​ង សំពះផ្ទឹម ជាមួយនឹង តារា​សម្តែងប្រុស​ សឿន វីតា យ៉ាងប្រាកដមែន ។​

ជុំវិញនៃការធ្លាយរូបភាពនេះ ខាង​អង្គភាពយើង មិនអាច​សូមការឆ្លើយ​បំភ្លឺពី មេម៉ាយវ័យក្មេង សាច់ស​ខ្ចី ដូច​ត្រកួនឈ្លក់ទឹកខែវស្សា អ្នកនាង សុ​ខ សោម៉ាវត្តី បាននៅឡើយនោះទេ​។​

បើផ្អែកទៅលើប្រភព ដ៏កក់ក្តៅ បានផ្តល់ព័ត៌មាន ឲ្យ Post News ដឹងនៅរសៀលថ្ងៃទី​១៨ ខែតុលា ឆ្នាំ​២០១៦ ដោយបានធ្វើការ​​អះអាងថា «តាមពិតរូបភាព ដែលត្រូវបានគេទម្លាយនោះ វា​គ្រាន់តែ​ជា​ឈុត ថត​ភាពយន្តក្រោមចំណងជើងថា (ខូចចិត្ត​អាជីព) តែប៉ុណ្ណោះ ចឹង​ហើយសូមប្រិយមិត្ត កុំយល់ច្រឡំធ្វើអ្វី បើសិនជានាង​រៀបការជាថ្មីមែន ប្រាកដណាស់នាង នឹងប្រកាស​ឲ្យមនុស្សក្រោមមេឃ នេះដឹងឭជាមិនខាននោះទេ»៕​

sok-somavotey-1

sok-somavotey-2