សង្គ្រាម​អាយ៉...

សង្គ្រាម​អាយ៉ៃឆ្លើយឆ្លងរវាង ដួង សុខ គា និង លោកតាវ៉ិចទ័រ​

ចែកចាយបន្ត

បន្ទាប់ពីលោកដួង សុខគា បង្ហោះសារថា កាលពីពេលដែលប្អូនសុំបងឲ្យបង្រៀន ប្អូនស្គម ខ្មៅ សំពះបងញ័រដៃ! តែឥលូវប្អូនដុះក្បាលពោះហើយ ប្អូន ច្រានបងចេញបានដោយជោគជ័យហើយ! រួមទាំងទេពកោសល្យប្អូន ប្អូនឈ្នះហើយ! ខិខិ។
សារទាំងនេះបានធ្វើឲ្យលេចមានព័ត៌មានថា លោកមានបញ្ហាក្នុងក្រុមការងារ រហូតព័ត៌មានធ្លាយចេញការពិតទៀតថា លោកបានដើរចេញពីកម្មវិធី២ ដោយមិនបន្តការងារ ក្នុងកម្មវិធី«ផ្ទះលោកតា» និង«សំណើចតាមភូមិ» ទើបលោកសម្រចចិត្តដើរចេញ ។

ត្រង់ចំណុចនេះ កន្លងមកលោក ដួង សុខគា បានបង្ហើបថាមិនចូលចិត្តធ្វើការជាមួយអ្នកមិនឲ្យតម្លៃលោកនោះទេ ប៉ុន្តែលោកក៏មិនមែនទាមទារឲ្យដក បុគ្គលដែលលោកមិនចូលចិត្តឲ្យចេញពីកម្មវិធីនោះដែរ គឺលោកសុខចិត្តដើរចេញដើម្បីកុំឲ្យវែងឆ្ងាយ។ លោកនិយាយថា«ខ្ញុំអត់ចង់និយាយថាខ្ញុំអន់ចិត្តនឹងខ្ញុំទេ តែអ្នកមើលស្រាលខ្ញុំគាត់ដឹងហើយ ចឹងហើយទើបខ្ញុំសម្រេចចិត្តថា ប្រហែលអត់ជាន់កម្មវិធីទាំងពីរនឹងទេ បើទោះជាយ៉ាងមិចក៏ដោយ!»

ទោះបីជាយ៉ាងណាលោក តាវ៉ិចទ័រ បានសម្តែងការភ្ញាក់ផ្អើល ដោយមិនដឹងថា លោក សុខគា ខឹងឬអាក់អន់ចិត្ត នឹងនរណា មួយឲ្យប្រាកដនោះទេ ។ ប៉ុន្តែលោកថាហេតុផលគឺអាចបណ្ដាលមកពីបញ្ហាប្រកាន់ច្រើន និងមានអ្នកនាំពាក្យទៅនិយាយប្រាប់លោកសុខគាមិនល្អក្នុងក្រុម។ លោកថាលោកសុខគា គួរតែសួរឲ្យច្បាស់លាស់សិន មុនពេលទៅបង្ហោះជាសាធារណៈនៅលើហ្វេសប៊ុក អញ្ចឹងហើយទើបលោកស្រឡាំងកាំង នៅពេលរឿងរ៉ាវទាំងមូលស្រាប់តែបែកអូរហូរស្ទឹង ព្រោះតែសារប៉ុន្មានវគ្គរបស់ដួង សុខគា លើហ្វេសប៊ុក ។

បញ្ហាទាំងនេះ បានបង្កើតជាសង្គ្រាម អាយ៉ៃឆ្លងឆ្លើយ ដែលគេដាក់ឈ្មោះថា «War Status» នៅលើបណ្តាញសង្គមហ្វេសប៊ុក រវាងលោក តាវ៉ិចទ័រ និង លោកដួង សុខគា ។
នៅថ្ងៃទី១២ ខែវិច្ឆិកា លោក តាវ៉ិចទ័រ បានសរសេរនៅលើបណ្តាញគណនីហ្វេសប៊ុកដោយ ភ្ជាប់មកជាមួយនឹងរូបភាពកូន ប្រុសស្រី របស់លោក ឲ្យដឹងថា ពុកបង្កាទុកជាមុន…(កូនរៀនទប់ចិត្តនិងធ្វើចិត្តឲ្យធ្ងន់) ខឹងអត់ចំណេញទេ! កូនស្រីសម្លាញ់ចិត្តពុកបើកូនអន់ចិត្តរឹក៏ខឹងនឹងប្អូន សូមកូនកុំយកកំហឹងនេះទៅនិយាយប្រាប់មិត្តភក្តិកូនឲ្យគេដឹងធ្វើអី។កូនកុំជឿគេផ្តេសផ្តាស កូនត្រូវចេះថ្លឹងថ្លែង រឺក៏មកជួបពុក សួរពុក ដើម្បីពុកជួយរកមូលហេតុ នឹងជួយដោះស្រាយ កូនធំហើយជាពិសេសកូនចេះរកលុយដោយខ្លួនឯងទៀត។ ទៅប្រកាន់ខឹងបងប្អូនឯងធ្វើអី ឃើញមុខគ្នាព្រឹកល្ងាចហ្នឹង។

កូនត្រូវចាំ ការយកកំហឹងមកដោះស្រាយវាមិនទទួលបាននូវប្រយោជន៏ទេ ពេលដឹងរឿងពិតកូនប្រាកដជាស្តាយក្រោយ។ ពុកមិនស្តាប់តែម្ខាងទេ កូនត្រូវរៀនទទួលយកបទពិសោធន៍ពីពុក។មួយទៀតកូនត្រូវចាំថាអ្នកនាំសារ ចំណេះដឹងមានកម្រិតដូចនេះគាត់មិនចេះថ្លឹងថ្លែងឲ្យបានស៊ីជម្រៅ នោះទេ។ថ្វីត្បិតតែពុកថតជាមួយអាអូន តែកូនៗពុកស្រលាញ់ស្មើគ្នា។

សារទាំងនេះត្រូវបានមជ្ឈដ្ឋានក្នុងពិភពសិល្បៈបានធ្វើការថ្លឹងថ្លែងថា លោក តាវ៉ិចទ័រ ចង់បញ្ជាក់សារនេះ ទៅកាន់លោក ដួង សុខ គា ។ ម្លោះហើយ ដែលធ្វើឲ្យលោក ដួង សុខគា បានបង្ហោះសារដ៏ខ្លីតបវិញ នៅថ្ងៃទី១៤ ខែវិច្ឆិកា ថា ចូរកូនចេះលេងសើច! កូនត្រូវរើស៖
១- មនុស្សគួរលេង (មើលវ័យគាត់ មើលតួនាទីគាត់ គាត់ជាអ្នកចូលចិត្តលេងបែបហ្នឹងទេ?)
២-ទីកន្លែងគួរលេង(មានមនុស្សច្រើន អាចមើលងាយគាត់ ដោយសារយើងលេងដែរទេ?)
៣-សម្តីគួរលេង (ពាក្យយើងសមនឹងលេងទេ? ឈ្លើយទេ?)
៤-ពេលគួលេង (គាត់កំពុងកើតទុក្ខ ឈឺ មួរហ្មងចិត្តទេ?)
ទាំងអស់នេះអាចជាដើមចមនៃការអាក់អន់ចិត្ត ដែលញយដងពេក អាចគេយល់ថា ជាចេតនាមិនល្អ។ ចាំទុកណាកូន! លើឆាកកូនកំប្លែង តែក្រោមឆាក យើងរួសរាយ និង មានសីលធម៌ទៅ គ្រប់គ្រាន់ហើយ។ ពូមោកប្រដៅកូនសិស្សគាត់៕

%e1%9e%8a%e1%9e%bd%e1%9e%84-%e1%9e%9f%e1%9e%bb%e1%9e%81%e1%9e%82%e1%9e%b6-1
doung-sokea-1

doung-sokea-2

ចែកចាយបន្ត