ប្រាសាទ ដាវីន...

ប្រាសាទ ដាវីន ទម្លាយរឿងឯកជន ក្រោយស្ងាត់ការគំរាមបោកគ្រាប់បែក

16
ចែកចាយបន្ត

គ្មានអ្នកណាមិនដឹងនោះទេថាអតីតតារាសម្ដែង និងជាតារាម៉ូដែល នាងប្រាសាទ ដាវីន ត្រូវជនមិនស្គាល់មុខយកគ្រាប់បែកមិនទាន់ផ្ទុះទៅទម្លាក់ចោលមុខផ្ទះហើយសរសេរថានាងស្ថិតក្នុងការតាមប្រមាញ់អាយុជីវិត កាលពីច្រើនឆ្នាំមុនដោយសារតែនាងបដិសេធស្នេហ៍បុរសមានឥទ្ធិពលម្នាក់។ នាងត្រូវបានគ្រួសារជម្លៀសចេញទៅកាន់ប្រទេសអូស្រ្តាលីភ្លាមៗតាំងពីពេលនោះ មកទល់ពេលនេះក៏មិនទាន់សម្រេចចិត្តចុះមករស់នៅប្រទេសកំណើតដូចដើមនោះដែរ បើទោះជានាងលិបលទទួលថតសម្អាងការ និងថតស្ពតគ្រប់ពេលចុះមកលេងស្រុកស្ងាត់ៗបន្តិចវិញ។

ប្រាសាទ ដាលីន បានបញ្ជាក់មុនដំណើរចាកចេញទៅកាន់អូស្រ្តាលីវិញថា នាងនៅតែស្រឡាញ់សិល្បៈ និងមិនទាន់បាត់ភ័យពីរឿងសុវត្ថិរបស់ខ្លួននៅឡើយទេ ទើបនាងនៅតែសម្រេចចិត្តរស់នៅប្រទេសអូស្រ្តាលីជាប់លាប់មិនមានគម្រោងវិលវិញ។ នាងថាខ្លួននៅអូស្ត្រាលី នៅតែជាតារាសិល្បៈ ដោយបានទទួលថតម៉ូដ និងបង្ហាញម៉ូដដដែល បើទោះជាការងារនៅក្នុងប្រទេសនោះ មិនមានសកម្មភាពខ្លាំងដូចពេលនាងនៅក្នុងស្រុក។

នាងថាខ្លួនចង់ឡើងឆាកទូរទស្សន៍ក្នុងពេលមកលេងស្រុកម្ដងៗ ជាពិសេសដូចជាការទទួលសម្ភាសន៍ ប៉ុន្តែមកពីមិនចង់អោយមានការភ្ញាក់ផ្អើល និងគិតថាការបង្ហាញខ្លួនរបស់នាងមិនសូវអំណោយផលទើបនាងបំភ្លេចចោល។ នាងមានបំណងទទួលថតរឿងខ្នាតធំដែលប្រើរយៈពេលតិច ដោយអះអាងថានាងមិនអាចមកលេងស្រុកក្នុងរយៈពេលយូរៗបានទេក្នុងពេលចុះមកមួយលើកៗ ដោយសារតែទី១នៅអូស្រ្តាលីក៏មានការងារពិបាកសុំច្បាប់ និងទី២មិនសូវទុកចិត្តពីសុវត្ថិភាព។ នាងនិយាយថា«ខ្ញុំនៅអូស្រ្តាលី ខ្ញុំមានការងារថតម៉ូដផង និងការងារផ្ទាល់ខ្លួនផង តែខ្ញុំនៅតែចង់សម្ដែងចឹង តែមកពីចុះម្ដងបានតែ៤ដប់ថ្ងៃ ហើយជើងខ្លះមកបានតែ៣ថ្ងៃ ទើបទទួលបានតែថតម៉ូដតិចតួច»។

នាងថាខ្លួនរស់នៅប្រទេសអូស្រ្តាលី អត់មានកូនមានចៅដូចអ្វីដែលធ្លាប់ចុះផ្សាយនោះទេ តែសារភាពថាពិតជាមានកំណាន់ចិត្តជាជនជាតិអូស្រ្តាលីឃុំគ្រងបេះដូង។ នាងបដិសេធរៀបរាប់ពីស្នេហានេះលម្អិត ដោយគ្រាន់តែអះអាងថា បើមានឱកាសត្រលប់មករស់នៅកម្ពុជាវិញ គឺនាងនឹងមកបើទោះជានាងធ្លាប់បានទទួលរងការគំរាមកំហែងពីជនអនាមិកពាក់ព័ន្ធនឹងការបង្កៃគ្រាប់បែកនៅមុខផ្ទះ អមដោយសំណេរគំរាមយកអាយុជីវិតរបស់នាងនាពេលនោះ។ នាងថាស្ថានភាពគំរាមនោះ នៅតែដក់ជាប់អារម្មណ៍ តែបើអោយភ័យខ្លាចដល់ថ្នាក់លាក់មុខដូចមុនក៏មិនមាននោះដែរ ទើបនាងហ៊ានបង្ហាញខ្លួនទទួលថតម៉ូដម្ដងម្កាល និងឧស្សាហ៍ចុះមកលេងស្រុកបើទោះជាគម្រោងចុះគឺស្ងាត់ៗ និងមានរយៈពេលខ្លី គ្រប់ពេលចុះមកលេងស្រុកស្ងាត់ៗ៕
prasat-davin-1

prasat-davin-2

prasat-davin-3

prasat-davin-4

prasat-davin-5

prasat-davin-6

ចែកចាយបន្ត