ទឹម រដ្ឋា បណ្ដើរប្រុសអាគាំងដូចប្ដីប្រពន្ធ

ថ្វីដ្បិតតែបានប្រកាសថាមិនទាន់ជឿជាក់លើសង្សារចុងក្រោយ ដែលជាអណិកជនអាមេរិក រស់នៅប្រទេសកម្ពុជានៅឡើយ ប៉ុន្តែគេកត់សម្គាល់ថា មិនមានកម្មវិធីណាមួយ ដែលទឹម រដ្ឋា មិនបានបង្ហាញមុខគូស្នេហ៍របស់ខ្លួន ជាសាធារណៈនោះទេ។ នាងបានទាំងប្រកាសថារវាង នាង និងសង្សារលែងមានចំណុចបិទបាំង ក្នុងក្រសែភ្នែកមហាជននោះផង។

ទឹម រដ្ឋា និយាយថា ក្រោយពីបានសិក្សាចិត្តគ្នា រវាងនាង និងលោក Jovany Antonio ជាសង្សារកាន់តែទុកចិត្ត។ អ៊ីចឹងហើយទើបនាងសម្រេចចិត្តលាតត្រដាង និងបង្ហាញដោយលែងបិទបាំង ដើម្បីស្ទាបស្ទង់ទឹកចិត្តសង្សារផង និងដើម្បីបញ្ជ្រាបអារម្មណ៍មហាជនឲ្យបានដឹងថា រូបនាងគឺមិនមានបំណងលាក់លៀមស្នេហានោះផង។ នាងថាលោក Jovany គឺជាអ្នកជំនាញលើមុខរបរដីធ្លី ហើយលោក និងនាងបានស្គាល់គ្នាមិនក្រោមជាងមួយឆ្នាំនោះទេ មុនពេលសម្រេចចិត្តស្រឡាញ់គ្នា និងបើកចំហរស្នេហារ។ នាងសារភាពថារវាងលោក និងនាងគឺស្អិតល្មួតផ្អែមល្ហែមមិនខុសគ្នា ពីប្ដីប្រពន្ធរៀបការ ទើបនាងទៅណាក៏បណ្ដើរបុរសម្នាក់នេះ ដើម្បីឲ្យលោកសប្បាយចិត្តផង និងដើម្បីសិក្សាចិត្តថ្លើមគ្នា ឲ្យកាន់តែច្រើនផង។ នាងនិយាយថា«ដោយសារគាត់(សង្សារ)ចូលចិត្តទៅកម្មវិធីមានអ្នកកាសែត និងអ្នកសិល្បៈអីចឹង ទើបខ្ញុំបណ្ដើរទៅហើយពួកខ្ញុំចង់ចឹង គឺឈប់បិទបាំងអីទៀតហើយ!»។ នាងថាមិនខ្វល់ពីការរិះគន់ ចំពោះការបើកចំហរស្នេហានោះទេ ហើយបើស្នេហានេះទទួលបរាជ័យជាថ្មីម្ដងទៀត ក៏មិនរអារនឹងការរិះគន់នោះដែរ។

យ៉ាងណាមិញ នាងហាក់មានទំនុកចិត្តបើទោះចិត្តគំនិតរវាងនាង និងសង្សារនៅតែដូចសព្វថ្ងៃ បើទោះជាមិនទាន់ដឹងថា និស្ស័យនឹងអាចឈានដល់ចំណងស្នេហ៍ដូច ទូច ស្រីលក្ខណ៍ ឬខៀវ សានសាណា ឬបានត្រឹមពាក់កណ្ដាលផ្លូវ ដូចគ្នានឹងរូបនាងជាមួយសង្សារចាស់ ជាជនជាតិប៉ាគីស្ថានក្ដី។ នាងនិយាយថា«អ្នកខ្លះគេគិតថាចាំច្បាស់លាស់តិចទៀត ចាំបង្ហាញ តែខ្ញុំអត់គិតចឹងទេ ព្រោះទោះលាក់ក៏គង់តែមានលទ្ធផលដដែល ហើយបើចំហរក៏ដដែល ចឹងធម្មតាៗដូចគេដូចឯទៅស្រួលចិត្តជាង!»។។ នាងថាទំនាក់ទំនងរវាងនាង និងលោក Jovany Antonio ពេលនេះមានភាពកក់ក្ដៅ ហើយបើទោះជាមានលទ្ធផលដូចម្ដេច ក៏នាងនៅតែរីករាយទទួលយកបន្ទាប់ពីបណ្ដើរគ្នា ទៅណាមកណាមិនខុសពីប្ដីប្រពន្ធនាពេលនេះ ៕
%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-1

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-2

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-3

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-4

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-5

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-6

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-7

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-8

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-9

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-10

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-11

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-12

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-13

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-14

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-15

%e1%9e%91%e1%9e%b9%e1%9e%98-%e1%9e%9a%e1%9e%8a%e1%9f%92%e1%9e%8b%e1%9e%b6-16