តារាស៊ិចស៊ី អ...

តារាស៊ិចស៊ី អឿន ចាន់ឡុង ប្រកាសសាកឈុតរោលរាល

ចែកចាយបន្ត

ជាមួយនឹងសំណួរថាមានការញញើតឬទេក្នុងការសម្ដែងឈុតស្នេហារោលរាល តារាសម្ដែងវ័យក្មេងនាង អឿន ចាន់ឡុង បានអះអាងថាខ្លួនមិនខ្លាចនោះទេ ដោយសារតែសិល្បៈគឺមិនមែនជារឿងដែលត្រូវខ្លាចឈុតទាំងនោះ។ ការសម្រេចចិត្តរបស់នាងត្រូវគេមើលឃើញថាជាការប្រថុយប្រថាន ដោយសារតែតារាស្រីដែលមានលំនាំនេះច្រើននាក់មកហើយ ត្រូវបាន វាយសំពងដោយការរិះគន់យ៉ាងទក់សាច់នាពេលកន្លងមក។

តារាសាច់សខ្ចី អឿន ចាន់ឡុង បានអះអាងថានាពេលកន្លងមកនាងធ្លាប់សម្ដែងច្រើនមកហើយជាតួឆ្នាស់ឆ្នើម និងជាតារាស៊ិចស៊ីក្នុងទម្រង់ស៊ីវិល័យៗ។ ប៉ុន្តែនាងមិនធ្លាប់សាកសម្ដែងស៊ិចស៊ីខ្លាំង ឬឈុតដែលមានលក្ខណៈជាស្នេហារោលរាលនោះទេ ទើបចង់សាកប្រថុយក្នុងពេលខាងមុខ។ នាងថាផលិតករត្រូវបាននាងបដិសេធដោយសារតែចង់គេចនឹងឈុតទាំងនោះ ជាពិសេសផលិតកម្មមួយចំនួនសឹងនឹងអន់ចិត្តនាង ព្រោះតែយល់ថានាងរើសអើងនឹងការសម្ដែងបែបហ្នឹងនោះផង។ នាងថាខ្លួននឹងកែប្រែជំហរទទួលយកការ សម្ដែងទម្រង់នោះ ដើម្បីចង់ដឹងពីប្រតិកម្មក្រោយពេលទទួលសម្ដែងផង និងដើម្បីចង់ដឹងថាខ្លួនបើសម្ដែងបែបហ្នឹងតើចូលតួបានល្អឬទេ។

នាងនិយាយថា«ពីមុនខ្ញុំឆោត ឲ្យតែផលិតករគាត់ដាក់ឈុតចឹងៗគឺអឿនហើយអត់ទទួលសម្ដែង តែឥឡូវខ្ញុំអត់គិតចឹងទេ ព្រោះសិល្បៈយើងអត់ហ៊ានគេហ៊ាន ម្យ៉ាងបើគិតៗទៅត្រឹមសម្ដែងទោះស៊ិចស៊ី និងមានឈុតស្នេហារោលរាលយ៉ាងមិចក៏ដោយ ក៏វានៅតែសិល្បៈដដែលហ្នឹង វាមិនមែនការពិតទេ!»។ នាងថាខ្លួនលែងស្ទាក់ស្ទើរពិចារណារឿងថត ឬមិនថតចំពោះសាច់រឿងស៊ិចស៊ី និងមានឈុតស្នេហារោលរាលទៀតហើយ ដោយអះអាងថាក្នុងនាមជាតួសម្ដែងគឺត្រូវតែហ៊ានសម្ដែងឲ្យបានគ្រប់ទម្រង់។ នាងប្រកាសទទួលសម្ដែងនាពេលខាងមុខនូវឈុតទាំងពីរ បើទោះជា ការប្រថុយមួយនេះ អាចនឹងរងការរិះគន់ពីក្រុមមនុស្សមួយចំនួន។

អឿន ចាន់ឡុង និយាយថា«ខ្ញុំខ្លាចការរិះគន់ តែបើគ្រាន់តែថតស៊ិចស៊ីប៉ុណ្ណឹង ឬអោបថើបអីប៉ុណ្ណឹងអត់ហ៊ានថតដែរ មិនដឹងថានៅធ្វើតួសម្ដែងអីទៀតទេ បើការសម្ដែងគឺវាមានខ្លះតម្រូវបែបហ្នឹង!»។ នាងគម្រោងបញ្ចេញស្នាដៃជាតួអង្គស៊ិចស៊ីអមដោយឈុតស្នេហាស្រើបស្រាលឲ្យផលិតកម្ម LD Picture និងមួយរឿងរបស់ទូរទស្សន៍បាយ័ន បន្ទាប់ពីផលិតទាក់ទងមកនាងជាថ្មី ហើយត្រូវនាងលែងប្រកែកដូចមុន។ នាងថាខ្លួនមិនមែនចង់ល្បីដោយភាពស៊ិចស៊ីនោះទេ ប៉ុន្តែបើគ្រាន់តែឈុតលេចលើលេចក្រោម ឬឈុតអោបថើបក៏ប្រកែកមិនសម្ដែង នោះវិស័យសិល្បៈរបស់នាងក៏ពិបាកធំធាត់ផងដែរ ក្នុងពេលដែលតារាស្រីច្រើនឡើងគេហ៊ានថតឈុតបែបនេះ។

យ៉ាងណាមិញ នាងថាការសម្ដែងដែលបានប្រកាសនោះ គឺមិនដល់ថ្នាក់ហ៊ានស្រាត ឬហ៊ានឲ្យតួអង្គប្រុសអោបថើបជញ្ជក់ញក់ញីដូចរឿងអាសអាភាស ដែលក្រសែភ្នែកមហាជនទទួលយកមិនបាននោះទេ។
អឿន ចាន់ឡុង គឺជាតារាសម្ដែងស្រីម្នាក់ ដែលមានសម្រស់ពីធម្មជាតិទាក់ភ្នែក បន្ទាប់ពីកែកុនផ្នែកខ្លះ។ តារាវ័យ២១ឆ្នាំមកពីខេត្តព្រៃវែងរូបនេះ ត្រូវគេឃើញមានឈ្មោះបោះសំឡេងគួរសម ក្រោយបានសម្ដែងក្នុងបទចម្រៀងល្បីៗរបស់ផលិតកម្មថោន ហង្សមាស និងបានថតស្ពតផលិតផលនាពេលចុងក្រោយ។ ជាមួយនាងការស្ទុះឡើងទីផ្សារនេះហើយដែលឃើញផលិតករចាប់អារម្មណ៍ឲ្យនាងសម្ដែងជាតួស៊ិចស៊ីអមដោយឈុតស្នេហាស្រើបស្រាលក្នុងរឿង ដែលនាងប្រកាសថាឈប់ប្រកែក៕
chanlong-1

chanlong-2

chanlong-3

chanlong-4

chanlong-5

chanlong-6

chanlong-7

chanlong-8

chanlong-9

chanlong-10

chanlong-11

chanlong-12

chanlong-13

chanlong-14

chanlong-16

chanlong-17

ចែកចាយបន្ត