ជម្លោះ គួច ខេ...

ជម្លោះ គួច ខេវិន និង ឧកញ៉ាឌៀប ចេងហេង កំរើកឡើង

ចែកចាយបន្ត

បន្ទាប់ពីយល់ព្រមសម្រុះសម្រួលគ្នានៅចំពោះមុខតុលាការកាលពីថ្ងៃ៤ វិច្ឆិកា ជម្លោះប្ដឹងផ្ដល់យ៉ាងរ៉ាំរ៉ៃរវាងគ្រូសារលោកគួច ខេវិន និងលោកឧកញ៉ា ឌៀប ចេងហេង ហៅ ស៊ុយ ហេង ត្រូវគេប៉ាន់ស្មានថាត្រូវបានបញ្ចប់ហើយ។ យ៉ាងណាមិញ យោងតាមការទម្លាយចុងក្រោយ គឺភាគីខាងឧកញ៉ាស៊ុយហេង មិនព្រមអនុវត្តិនូវអ្វីដែលបានព្រមព្រៀងនៅចំពោះមុខតុលាការឡើយ ទើបបណ្ដាលឲ្យជម្លោះមួយនេះកំរើកជាថ្មី។

លោកគួច ខេវិន ផលិតករទូរទស្សន៍ បានអះអាងថា ជម្លោះដែលបានកើតឡើងគឺបណ្ដាលមកពីលោក ឧកញ៉ាឌៀប ចេងហេង បន្តកាន់កាប់លើផ្លូវសារណៈទទឹងប្រវែង៣ម៉ែត្រនៅជាប់ជញ្ជាំងផ្ទះរបស់លោកស្ថិតនៅផ្ទះនៅក្រុមទី១៤សង្កាត់ទួលទំពួង២ ក្នុងខណ្ឌចំការមនរាជធានីភ្នំពេញ និងបានប្រមូលយកគ្រឿងឈើ និងគ្រឿងសំណង់ដែលលោករក្សាទុកដោយមិនមានការជូនដំណឹង ហើយពេលលោកប្ដឹងឲ្យប្រគល់មកវិញ ក៏ប្រគល់មិនគ្រប់ចំនួន។

លោកនិយាយថា មុនផ្ទុះជម្លោះ លោកឧកញ៉ា ស៊ុយហេង បានសុំគ្រួសារបស់លោកយកផ្លូវសារធារណៈនៅជាប់នឹងដីខាងក្រោមវេរ៉ង់ដាខាងជញ្ជាំងរបស់លោកដែលមានទំហ៊ំ៤ម៉ែត្រ(ដីផ្លូវរួម៣ម៉ែត្រ) ធ្វើជាកន្លែងចតឡាន ហើយក្រោយមកក៏ចង់បានដីនោះធ្វើជាកម្មសិទ្ធិផ្ដាច់មុខ ដោយបានទាំងធ្វើដំបូល និងបាំងផ្ចិតយកដី មួយម៉ែត្រនៅខាងក្រោមវេរ៉ង់ដារបស់លោកភ្ជាប់នឹងដីផ្លូវនោះធ្វើជាកម្មសិទ្ធិផង។

លោកថាក្នុងពេលគ្រួសារលោកជួសជុលរោងទ្វាជាលក្ខណៈសំណង់តូចប្រក់សង្ក័សីលើដីមួយម៉ែត្រខាងក្រោមវ៉េរ៉ង់ដារបស់ខ្លួន លោកឧកញ៉ា ស៊ុយ ហ៊េង បាននាំកងកំលាំងប្រដាប់អាវុធ១០នាក់មកបង្អាក់កាលពីប៉ុន្មានខែមុន ហើយថែមទាំងដឹកគ្រឿងឈើ និងគ្រឿងសំណង់ដែលដាក់នៅជាប់ផ្លូវសាធារណៈនោះទៅដោយមិនឲ្យគ្រួសាររបស់លោកដឹង និងប្រើអំណាចបាំងផ្ចិតយកដីជាប់ជញ្ជាំងផ្ទះលោកយកប្រើផ្ដាច់មុខតែម្ដង។

លោកថាខ្លួនដាក់ឥវ៉ាន់នៅលើដីក្រោមវេរ៉ង់ដាហើយហៀរចូលផ្លូវសាធារណៈតែបន្តិចប៉ុណ្ណោះ ប៉ុន្តែលោកឧកញ៉ានោះបែរជាចង់វាតយកដីផ្លូវទាំងមូលទុកប្រើតែឯង និងគិតថាលោកដាក់ឥវ៉ាន់លើដីរបស់ខ្លួន ទើបប្រមូលចេញដោយគ្មានការជូនដំណឹង។ លោកថាផ្ទះលោកនៅខាងមុខ ហើយផ្ទះរបស់លោកឧកញ៉ា ស៊ុយហេង នៅ ខាងក្រោយ ដោយច្រកចូលផ្ទះរបស់លោកឧកញ៉ាត្រូវចូលតាមដីផ្លូវរួមនៅជាប់ជញ្ជាំងផ្ទះរបស់លោក។

លោកថាក្រោយការដាក់ពាក្យបណ្ដឹង លោកឧកញ៉ា ស៊ុយ ហេង បានយល់ព្រមរុះរើដំបូល និងទ្វារដែលបានបាំងយកផ្លូវ ហើយសងឥវ៉ាន់ដែលដឹកទៅបាត់ឲ្យគ្រប់ចំនួន ប៉ុន្តែជាក់ស្ដែងក្រៅពីមិនមានការរុះរើ គឺថែមទាំងធ្វើមិនដឹងមិនរឿងឥវ៉ាន់សងមិនគ្រប់នោះទៅទៀត។លោកនិយាយថា«ឥវ៉ាន់ខ្ញុំសុទ្ធតែទ្វារឈើនាងនួន និងគ្រឿងសំណង់ល្អៗទាំងអស់ តែពេលគាត់ដឹកមកវិញ បាត់អស់អាលីង ទើបខ្ញុំអត់ទទួលយក ខ្ញុំអត់ដឹងថាគាត់អាងទឹកលុយយ៉ាងមិចទេ បានផ្ដិតមេដៃព្រមព្រៀងគ្នានៅតុលាការអស់ហើយ តែមកដល់ថ្ងៃហ្នឹងគាត់ធ្វើមិនដឹង ហើយខាងក្រុងខាងខ័ណ្ឌក៏មើលទៅដូចអត់ហ៊ានជាមួយគាត់!»។ លោកទទូចឲ្យលោកឧកញ៉ាស៊ុយហេង អនុវត្តិតាមការព្រមព្រៀងនៅតុលាការ ដោយសារតែលោកក៏មិនចង់បន្តចម្រូងចម្រាស់នាំឲ្យមានរឿងវែងឆ្ងាយក្នុងពេលខាងមុខ។

ឧកញ៉ាឌៀប ចេងហេង ហៅស៊ុយ ហេង បានអះអាងថា«រឿងខ្ញុំមិនឲ្យជាងផ្អាករុះរើដំបូលផ្ទះទៀតនោះ គឺព្រោះខ្ញុំចាំពិនិត្យមើលឯកសារផ្ដិតមេដៃទាំងសងខាងឲ្យបានច្បាស់លាស់សិនដោយសារតែថ្ងៃហ្នុងមិនបានយកមកគ្រប់គ្នា។រឿងនេះនឹងចប់ឆាប់ៗនេះមិនយូរទេហើយក៏មិនបាច់ឡើងតុលាការដែព្រោះយើងមានការយោគយល់គ្នា»។ លោកឆ្លើយបញ្ជាក់តែប៉ុណ្ណឹងក៏ចុចបិទទូរទ័ព្ទ ដោយអះអាងថាលោកមិនទាន់និយាយបាន៕
kouc-kevin-2

kouc-kevin-3

kouc-kevin-4

kouc-kevin-5

kouc-kevin-6

kouc-kevin-7

kouc-kevin-8

kouc-kevin-9

kouc-kevin-10

kouc-kevin-11

kouc-kevin-13

kouc-kevin-14

kouc-kevin-15

kouc-kevin-16

kouc-kevin-17

kouc-kevin-12

kouc-kevin-1

ចែកចាយបន្ត