Post News Media ព័ត៌មានជាតិ អាចារ្យដើររៃអ...

អាចារ្យដើររៃអង្គាសប្រាក់ម្នាក់ បែកគំនិតចាប់រំលោភក្មេងស្រីអាយុ ១០ឆ្នាំ

ចែកចាយបន្ត

ភ្នំពេញ: សមត្ថកិច្ចប៉ុស្តិ៍នគរបាលឬស្សីកែវ បានឃាត់ខ្លួនអាចារ្យដើររៃអង្គាសប្រាក់ម្នាក់ ក្រោយផឹកស្រាស្រវឹង បានធ្វើសកម្មភាពប៉ុនប៉ងចាប់រំលោភក្មេងស្រីអាយុ ១០ឆ្នាំ ហើយត្រូវប្រជាពលរដ្ឋ និងក្រុមគ្រួសាររបស់កុមារីរងគ្រោះ បាននាំគ្នាចាប់ព្រួតវាយទៅលើអាចារ្យនោះ។ ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង ១១និង១០នាទីព្រឹក ថ្ងៃទី២៣ ខែវិច្ឆិកា ឆ្នាំ២០១៦ ស្ថិតនៅចំណុចផ្ទះជួលរបស់កុមារីរងគ្រោះ ស្ថិតនៅតាមបណ្តោយផ្លូវរថភ្លើងក្រុម១០ ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ។

សមត្ថកិច្ចបានឲ្យដឹងថា កុមារីរងគ្រោះឈ្មោះ ត.ស.ហ អាយុ ១០ឆ្នាំ ស្នាក់នៅផ្ទះជួលកើតហេតុខាងលើ និងមានស្រុកកំណើតនៅខេត្តកំពង់ស្ពឺ។ ចំណែកឯជនសង្ស័យដែលប៉ុនប៉ងរំលោភមិនបានសម្រេចនោះមានឈ្មោះ ទុយ ទីន ភេទប្រុស អាយុ ៣៩ឆ្នាំ មុខរបរ អាចារ្យដើររៃអង្គាស ស្នាក់នៅផ្ទះជួល សង្កាត់គីឡូម៉ែត្រលេខ៦ ខណ្ឌឬស្សីកែវ និងមានស្រុកកំណើតឃុំកំពង់កុង ស្រុកកោះធំ ខេត្តកណ្តាល។

សមត្ថកិច្ចបានឲ្យដឹងថា នៅមុនពេលកើតហេតុ ម្តាយក្មេងស្រីរងគ្រោះមិនបាននៅផ្ទះទេ ដោយទុកកូនឲ្យនៅជាមួយនឹងយាយ ខណ:ពេលនោះ លោកយាយបានជាប់រវល់ទៅផ្សារ ហើយជនសង្ស័យឈ្មោះ ទុយ ទីង ក៏បានមកដល់ផ្ទះកុមារីរងគ្រោះ ដោយឃើញឱកាសល្អ ហើយស្ងាត់ផងដែរ រួចក៏ចាប់ក្មេងស្រីប៉ុនប៉ងរំលោភតែត្រូវបានអ្នកជិតខាងឮក្មេងស្រីស្រែកយំឱ្យគេជួយ ក៏នាំគ្នាមកមើលឃើញរួចក៏ចាប់វាយម្នាក់មួយដៃ មួយជើង រួចប្រគល់ឲ្យសមត្ថកិច្ចតែម្តង។

ក្រោយពីសមត្ថកិច្ចសាកសួររួចមកជនសង្ស័យបានសារភាពថា ខ្លួនបានចេញពីវត្តត្រែងទ្រយឹង ដែលមានទីតាំងនៅភូមិ៣ ឃុំត្រែងទ្រយឹង ស្រុកភ្នំស្រួច ខេត្តកំពង់ស្ពឺ ទើបតែបាន ៣ថ្ងៃតែប៉ុណ្ណោះ ហើយក៏បានកើតរឿងនេះតែម្តង។

បច្ចុប្បន្នជនសង្ស័យខាងលើ ត្រូវបានសមត្ថកិច្ចប៉ុស្តិ៍នគរបាលឬស្សីកែវ បញ្ជូនខ្លួនទៅឃុំជាបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណំុរឿង បញ្ជូនទៅកាន់សាលាដំបូងរាជធានីភ្នំពេញចាត់ការទៅតាមនីតិវិធីច្បាប់៕

photo_2016-11-23_22-14-44

photo_2016-11-23_22-14-51

photo_2016-11-23_22-14-55

photo_2016-11-23_22-14-59

photo_2016-11-23_22-15-03

photo_2016-11-23_22-15-06

photo_2016-11-23_22-15-10

photo_2016-11-23_22-15-13

photo_2016-11-23_22-15-16

photo_2016-11-23_22-15-31

photo_2016-11-23_22-15-50

photo_2016-11-23_22-15-54

photo_2016-11-23_22-17-39

photo_2016-11-23_22-17-42

photo_2016-11-23_22-17-44

ចែកចាយបន្ត