Post News Media ព័ត៌មានជាតិ ជនជាតិវៀតណាមម...

ជនជាតិវៀតណាមម្នាក់លួចចូលទឹកដីកម្ពុជាដោយខុសច្បាប់ត្រូវបាននគរបាលអន្តោប្រវេសន៍ច្រកទ្វារអូរយ៉ាដាវធ្វើការឃាត់ខ្លួន

ចែកចាយបន្ត

រតនគិរី: កម្លាំងនគរបាលអន្តោប្រវេសន៍ច្រកទ្វារអន្តជាតិ អូរយ៉ាដាវ ប្រចាំគោលដៅផ្លូវចូលភូមិភិ ឃុំប៉កញ៉ៃ ស្រុកអូរយ៉ាដាវ នៅវេលាម៉ោង១០និង៣០នាទីព្រឹក ថ្ងៃទី២៥ ខែវិច្ឆិកា ឆ្នាំ២០១៦ បានឃាត់ខ្លួនបុរសជនជាតិវៀតណាមម្នាក់ ពីបទលួចចូលទឹកដីកម្ពុជាដោយខុសច្បាប់។

តាមការឲ្យដឹងពីលោកវរសេនីយ៍ឯក សុខ សំអាន នាយប៉ុស្តិ៍ភូមិភិស្តីទីបានឲ្យថា បុរសជនជាតិវៀតណាមដែលបានឃាត់ខ្លួនខាងលើមានឈ្មោះ Pham Van Oanh អាយុ៣៨ឆ្នាំ រស់នៅភូមិយាទម ស្រុកដាកគឺ ខេត្តយ៉ាដាឡា ប្រទេសវៀតណាម។

លោកវរ:សេនីយ៍ឯក សុខ សំអាន បន្តថា នៅវេលាម៉ោង១០និង៣០នាទីព្រឹក ថ្ងៃទី២៥ ខែវិច្ឆិកា ឆ្នាំ២០១៦ កម្លាំងប្រចាំការនៅប៉ុស្តិ៍ភូមិភិរបស់កម្លាំងនគរបាលអន្តោប្រវេសន៍បានត្រួតពិនិត្យឃើញជនបរទេសចំនួន១នាក់ ដោយមានការសង្ស័យកម្លាំងប្រចាំការបានធ្វើការឃាត់ដំណើរជននោះបណ្តោះអាសន្ន ដើម្បីសាកសួរនិងឆែកឆេររកឃើញថា ជនបរទេសខាងលើពុំមានឯកសារធ្វើដំណើរអ្វីទាំងអស់ ឃើញតែអាវុធខ្លីប្រភេទK59 មួយដើមនៅក្នុងខ្លប់ម៉ូតូ ម៉ាក់Wave ពណ៌កាប់ស្តាំង ពាក់ស្លាកលេខ81PI04532 ដែលជាមធ្យោបាយធ្វើដំណើរ ក្រោយពីត្រួតពិនិត្យឃើញកម្លាំងជំនាញបានធ្វើការឃាត់ខ្លួនរួមនឹងមធ្យោបាយ និងអាវុធយកមកទីបញ្ជាការប៉ុស្តិ៍ចាត់ការតាមនីតិវិធី។

នៅថ្ងៃដដែលជនខាងលើរួម និងវត្ថុតាងបានបញ្ជូនមកអធិការដ្ឋាននគរបាលស្រុកអូរយ៉ាដាវ ដើម្បីអនុវត្តនីតិវិធីតាមផ្លូវច្បាប់៕

photo_2016-11-26_19-06-10

photo_2016-11-26_19-06-16

photo_2016-11-26_19-06-18

photo_2016-11-26_19-06-20

photo_2016-11-26_19-06-24

photo_2016-11-26_19-06-26

ចែកចាយបន្ត