Post News Media ព័ត៌មានជាតិ ភ្ញៀវទេសចរបរទ...

ភ្ញៀវទេសចរបរទេសចម្រុះជាតិសាសន៍ជិត ២.០០០នាក់ ចូលចតធ្វើទស្សនកិច្ចនៅកំពងុផែស្វាយ័តខេត្តព្រះសីហនុ

ចែកចាយបន្ត

ព្រះសីហនុ: នាព្រឹកថ្ងៃទី២៧ ខែវិច្ឆិកា ឆ្នាំ២០១៦ នាវាទេសចណ៍បរទេសមួយគ្រឿង ឈ្នោះ VOLENDAM បានមកដល់កំពង់ផែស្វាយ័តអន្តរជាតិក្រុងព្រះសីហនុ ក្នុងការធ្វើដំណើទស្សនាចរនៅព្រះរា ជាណាចក្រកម្ពុជា រយ:ពេលមួយថ្ងៃ ។

លោកវរសេនីយទោ ង៉ុយ ជៀន ប្រធាននគរបាលប៉ុស្តិច្រកទ្វារ អន្តជាតិស្វយ័តក្រុងព្រះសីហនុ បានឲ្យដឹងថា នាវាទេសចរណ៍ VOLENDAM មានបណ្តោយ ២៣៧,៩ ទទឹង ៣២,២៥ ជម្រៅទឹក ៧ម៉ែត្រ បាននាំភ្ញៀវទេសចរបរទេសចម្រុះជាតិសាសន៍ជិត ២.០០០នាក់ ចូលចតធ្វើទស្សនកិច្ចនៅព្រះរាជាណា ចក្រកម្ពុជារយ:ពេលមួយថ្ងៃ ក្នុងនោះមានភ្ញៀវទេសចរចម្រុះជាតិសាសន៍ចំនួន៣៧ សញ្ជាតិផ្សេងគ្នា ដោយមានផ្ទុកមនុស្សចំនួន ១.២៣៣នាក់ ស្រី ៦៤៧នាក់ និងមាននាវិកសរុបចំនួន ៦២០នាក់ ស្រី៩៥នាក់ បានធ្វើដំណើរតាមនាវាទេសចរណ៍ VOLENDAM មកពីប្រទេសថៃ ចូលចតកំពង់ផែអន្តរជាតិខេត្តព្រះសីហនុនៅម៉ោង ៧ព្រឹកថ្ងៃទី ២៧ ខែវិច្ឆិកា ឆ្នាំ២០១៦ មុននឹងនាំភ្ញៀវធ្វើដំណើចាកចេញពីប្រទេសកម្ពុជា ឆ្ពោះទៅកាន់ប្រទេសវៀតណាមនៅវេលាម៉ោង ៨ និង៣០ នាទីយប់ដដែល ។

លោក ង៉ុយ ជៀន បានឲ្យដឹងថា ភ្ញៀវទេសចរបរទេស ដែលធ្វើដំណើរតាមនាវា VOLENDAM ភាគច្រើនជាភ្ញៀវទេសចរ ដែលមានវ័យចំណាស់ ក្នុងនោះភ្ញៀវដែលមានសញ្ជាតិច្រើនជាងគេមានដូចជា អាមេរិកចំនួន ៣៨៧នាក់ កាណាដា ២៥៦នាក់ អង់គ្លេស ១៧០នាក់ និងក្រៅពីនោះមានភ្ញៀវទេសចរសញ្ជាតិផ្សេងៗទៀត ។

លោកប្រធានប៉ុស្តិនគរបាល ច្រកទ្វារកំពង់ផែអន្តរជាតិក្រុងព្រះសីហនុ បានឲ្យដឹងទៀតថា កំណើនភ្ញៀវទេសចរបរទេស បានធ្វើដំណើរតាមនាវាទេសចរណ៍បរទេស ចូលមកទស្សនានៅក្នុងព្រះរាជាណាចក្រកម្ពុជា តាមច្រកកំពង់ផែសមុទ្រនៅដើមឆ្នាំ២០១៦ មានការកើនឡើងជាងឆ្នាំ២០១៥ ដោយសារតែប្រទេសកម្ពុជាមានសុខសន្តិភាព សុវត្ថិភាពសាធារណ:ល្អ ពិសេសខេត្តព្រះសីហនុ មានការអភិវឌ្ឍរីកចំរើននូវហេដ្ឋារចនាសម្ពន្ធ័នានាជាបន្តបន្ទាប់ ម្យ៉ាងទៀតខេត្តព្រះ សីហនុ ជាតំបន់ទេសចរណ៍បែបធម្មជាតិ មានឆ្នេរខ្សាច់សស្អាត ខ្យល់អាកាសបរិសុទ្ធ សាកសម្យជាតារារះនាទិសនិរតី ហើយឆ្នេរសមុទ្រកម្ពុជា ត្រូវបានដាក់បញ្ចូលជាសមាជិកក្លឹបឆ្នេរស្អាតលើពិភពលោក ដែលធ្វើឲ្យទាក់ទាញភ្ញៀវទេសចរបរទេស មកលេងកម្សាន្តក្នុងព្រះរាជាណាចក្រកម្ពុជា មានការកើនឡើងពីមួយឆ្នាំទៅមួយឆ្នាំ ៕

cambodia touris

cambodia touris

cambodia touris

cambodia touris

ចែកចាយបន្ត