Post News Media ព័ត៌មានជាតិ បើកម៉ូតូលឿនទៅ...

បើកម៉ូតូលឿនទៅបុកអ្នកដំណើរថ្មើរជើងម្នាក់ ស្លាប់យ៉ាងអាណោចអាធ័ម

ចែកចាយបន្ត

ពោធិ៍សាត់: គ្រោះថ្នាក់ចរាចរណ៍មួយបង្កឡើងដោយបុរសម្នាក់ បើកម៉ូតូមួយគ្រឿងមិនបានប្រយត្ន័ ទៅបុកបុរសម្នាក់ ដែលកំពុងដើរថ្មើរជើងតាមដងផ្លូវយ៉ាងពេញទំហឹង បណ្តាលឲ្យស្លាប់ភ្លាមៗយ៉ាងអាណោចអាធ័ម ចំណែកអ្នកបើកម៉ូតូរងរបួសស្រាល។ ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ១០និង២៥នាទី ព្រឹកថ្ងៃទី ២៨ ខែវិច្ឆិកា ឆ្នាំ២០១៦ ស្ថិតនៅចំណុចផ្លូវ១២៥ ភូមិលាជ ឃុំលាជ ស្រុកភ្នំក្រវ៉ាញ ខេត្តពោធិ៍សាត់។

អ្នកបើកបរម៉ូតូបង្កមានឈ្មោះ សុក ផាន់ណា ភេទប្រុស អាយុ២១ឆ្នាំ ស្នាក់នៅភូមិព្រែក១ ឃុំសំរោង ស្រុកភ្នំក្រវ៉ាញ ខេត្តពោធិ៍សាត់ ។ ចំណែកជនរងគ្រោះដែលស្លាប់មានឈ្មោះ នូ ម៉ិច ភេទប្រុស អាយុ ៤៧ឆ្នាំ ស្នាក់នៅភូមិ១ ឃុំសំរោង ស្រុកភ្នំក្រវ៉ាញ ខេត្តពោធិ៍សាត់ ។

ប្រភពព័ត៌មានបានឲ្យដឹងថា មុនពេលកើតហេតុ គេបានឃើញម៉ូតូម៉ាក ហុងដាសេ១២៥ ពណ៌ខ្មៅ ស៊េរីឆ្នាំ ២០១៣ ពាក់ស្លាកលេខ ពោធិ៍សាត់ 1D-1597 បើកបរដោយបុរសម្នាក់ ក្នុងទិសដៅពីជើងទៅត្បូងតាមបណ្តោយផ្លូវខាងលើ លុះបានមកដល់ចំណុចកើតហេតុ ស្រាប់តែជ្រុលទៅបុកបុរសម្នាក់ ដែលកំពុងដើរថ្មើរជើងតាមដងផ្លូវ យ៉ាងពេញទំហឹង បណ្តាលឲ្យស្លាប់ភ្លាមៗយ៉ាងអាណោចអាធ័ម ចំណែកអ្នកបើកបរម៉ូតូរងរបួសស្រាល។

ក្រោយពីកើតហេតុ សមត្ថកិច្ចបានចុះមកធ្វើការវាស់វែងនិងធ្វើកំណត់ហេតុ ឃាត់ខ្លួនអ្នកបើកបររួមនឹងម៉ូតូ យកមកកាន់អធិការដ្ឋាននគរបាលស្រុកភ្នំក្រវ៉ាញ ដើម្បីដោះស្រាយគ្នាពេលក្រោយតាមផ្លូវច្បាប់ ចំណែកសាកសពជនរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារ ធ្វើបុណ្យតាមប្រពៃណី៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

ចែកចាយបន្ត