ភ្នំពេញៈ តាមការឲ្យដឹង ពីរដ្ឋាករទឹកស្វយ័តក្រុងភ្នំពេញ បានឲ្យដឹងមុននេះបន្តិចថា ប្រជាពលរដ្ឋដែលមានទីលំនៅដ្ឋាន រស់នៅក្នុងសង្កាត់បឹងកក់១ បឹងកក់២ ខណ្ឌទួលគោក រាជធានីភ្នំពេញ អាចនឹងមានសម្ពាធទឹកប្រើប្រាស់ចុះទាងជាងថ្ងៃធម្មតា។
រដ្ឋាករទឹកស្វយ័តក្រុងភ្នំពេញ បានឲ្យដឹងទៀតថា គោលបំណងគ្រប់គ្រងបរិមាណទឹកបាត់បង់ ឲ្យនៅកម្រិតទាបក្នុងផ្ទៃសេវាទាំងមូល រដ្ឋាករទឹកស្វយ័តក្រុងភ្នំពេញ គ្រោងកាត់បំពង់តម្លើងនាឡិកា ទឹកទំហំ ៣០០មម នៅលើផ្លូវ២៨៩ កែងផ្លូវ៥៦៦ នៅយប់ថ្ងៃទី២០ ខែធ្នូ ឆ្នាំ២០១៦ ចាប់ពីម៉ោង១០ យប់ដល់ម៉ោង៤ទាបភ្លឺ។
ក្នុងការអនុវត្តន៍ការងារនេះដែរ សម្ពាធទឹក អាចនឹងចុះទាបជាងថ្ងៃធម្មតា ព្រមជាមួយគ្នានេះដែរ ស្ថានភាពទឹកក៏នឹងអាចល្អក់ដោយកន្លែងផង៕
