Post News Media ព័ត៌មានជាតិ ថ្ងៃទី១៤មករា ...

ថ្ងៃទី១៤មករា អគ្គិសនីកំពង់ចាម សាខាមេមត់ ផ្ដាច់ភ្លើង៣ម៉ោងកន្លះ

ចែកចាយបន្ត

កំពង់ចាម: អគ្គិសនីកំពង់ចាម សាខាមេមត់ នឹងធ្វើការផ្ដាច់ចរន្តអគ្គិសនីបណ្ដោះអាសន្នរយ:ពេល៣ម៉ោងកន្លះ ដើម្បីឲ្យក្រុមហ៊ុនសេវាករអូសខ្សែបណ្ដាញតង់ស្យង់មធ្យម២២គីឡូវ៉ុល។ នេះបើតាមការជូនដំណឹងរបស់អគ្គិសនីកំពង់ចាម នាព្រឹកថ្ងៃទី១១ ខែមករានេះ។

សេចក្ដីជូនដំណឹង ឲ្យដឹងថា អគ្គិសនីកំពង់ចាម សាខាមេមត់ នឹងផ្អាកការផ្គត់ផ្គង់ចរន្តអគ្គិសនីរយ:ពេល៣ម៉ោង និង៣០នាទី នៅថ្ងៃសៅរ៍ ទី១៤ ខែមករា ឆ្នាំ២០១៧ ចាប់ពីម៉ោង៨៖០០នាទីព្រឹក ដល់ម៉ោង១១៖៣០នាទី ថ្ងៃត្រង់។ ការផ្អាកការផ្គត់ផ្គង់ចរន្តពេលនេះ ដើម្បីឲ្យក្រុមហ៊ុន EPS អូសខ្សែបណ្ដាញតង់ស្យុងមធ្យម២២គីឡូវ៉ុល នៅចំណុចមុខវត្តដារ ស្ថិតក្នុងភូមិដារផ្សារ ឃុំដារ ស្រុកមេមត់ ខេត្តត្បូងឃ្មុំ។

បញ្ជាក់ ៖ អគ្គិសនីកំពង់ចាម នឹងធ្វើការភ្ជាប់ចរន្តអគ្គិសនីជូនឲ្យប្រើប្រាស់វិញទៅតាមការជាក់ស្ដែងនៅពេលការងារបញ្ចប់៕