Post News Media ព័ត៌មានជាតិ ពស់ថ្លាន់ ដែល...

ពស់ថ្លាន់ ដែលបង្កការភ្ញាក់ផ្អើលពេញស្ពានស្ទឹងមានជ័យ ត្រូវអាជ្ញាធរប្រគល់ឲ្យក្រុមអភិរក្សសត្វព្រៃ

ចែកចាយបន្ត

ភ្នំពេញ: ហេតុការណ៍ភ្ញាក់ផ្អើលមួយបានកើតឡើង បង្កឲ្យមានការចោមរោមមើលនិងកកស្ទះចរាចរណ៍យ៉ាងណែនណាន់ ក្រោយពីមានការប្រទះឃើញពស់ថ្លាន់មួយក្បាល វាចុះឡើងនៅចំណុចទឹកស្អុយខាងក្រោមស្ពានអាកាសស្ទឹងមានជ័យ ក្នុងសង្កាត់ស្ទឹងមានជ័យ ខណ្ឌមានជ័យ ដែលការភ្ញាក់ផ្អើលនេះ បានកើតឡើងតាំងពីរសៀលថ្ងៃទី១០ ខែមករា ឆ្នាំ២០១៧ រហូតដល់យប់វេលាម៉ោងជាង១០ ទើបសមត្ថកិច្ចនគរបាលប៉ុស្តិ៍ស្ទឹងមានជ័យ ចុះទៅធ្វើការចាប់ពស់ខាងលើបាន ។

ក្រោយពីចាប់បានពស់ថ្លាន់ខាងលើនេះរួច សមត្ថកិច្ចនគរបាលប៉ុស្តិ៍ស្ទឹងមានជ័យ បានយកសត្វពស់ថ្លាន់ខាងលើ យកមកប្រគល់ជូនសាលាសង្កាត់ស្ទឹងមានជ័យ ដើម្បីឲ្យអាជ្ញាធរជួយរក្សាទុកទាំងយប់។

រហូតដល់ព្រឹកថ្ងៃទី១១ ខែមករា ឆ្នាំ២០១៧ អាជ្ញាធរសង្កាត់ស្ទឹងមានជ័យបានធ្វើការប្រគល់សត្វពស់ខាងលើ ទៅឲ្យខាងអភិរក្សសត្វព្រៃ យកទៅរក្សាទុកនិងអភិរក្ស ព្រោះថាសត្វពស់ថ្លាន់ទាំងនេះ ស្ទើរតែផុតពូជទៅហើយ ៕

ចែកចាយបន្ត