Post News Media ព័ត៌មានជាតិ នគរបាលប៉ុស្តិ...

នគរបាលប៉ុស្តិ៍ពុកឫស្សីឃាត់ខ្លួនជនសង្ស័យម្នាក់ ពាក់ព័ន្ធនឹងថ្នាញៀន

ចែកចាយបន្ត

កណ្ដាល: កម្លាំងផ្នែកប្រឆាំងគ្រឿងញៀនស្រុកខ្សាច់កណ្តាល សហការជាមួយកម្លាំងនគរបាលប៉ុស្តិ៍រដ្ឋបាលពុកឫស្សី បានបន្តយុទ្ធនាការបង្ក្រាបគ្រឿងញៀនកាលពីវេលាម៉ោង៥ព្រឹកថ្ងៃទី១២ ខែមករា ឆ្នាំ២០១៧ ចំណុចភូមិពុកឫស្សីក្រោម ឃុំពុកឫស្សី ស្រុកខ្សាច់កណ្តាល ខេត្តកណ្តាល ឃាត់ខ្លួនជនសង្ស័យ ក្នុងចំណោម៣នាក់។

ជនសង្ស័យជនសង្ស័យដែលសមត្ថកិច្ចឃាត់ខ្លួនឈ្មោះ ផន សុភីន ហៅ ភីន ភេទប្រុស អាយុ១៨ឆ្នាំ មុខរបរ មិនពិតប្រាកដ ជនជាតិខ្មែរ មានទីលំនៅភូមិ ពុកឫស្សីកណ្តាល ឃុំពុកឫស្សី ស្រុកខ្សាច់កណ្តាល ខេត្តកណ្តាល។ ចំណែកជនសង្ស័យដែលរត់គេចខ្លួនមានទី១-ឈ្មោះ ស្រេង ធារ: ហៅបារាំង ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ។ ទី២-ឈ្មោះជា កានីន ហៅចេកចៀន ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ អ្នករស់នៅភូមិឃុំកើតហេតុ។

ក្រោយឃាត់ខ្លួនសមត្ថកិច្ចបានដកហូតវត្ថុតាងរួមមាន ៖ ១.ជញ្ជីងសម្រាប់ថ្លឹងថ្នាំញៀន១ ២-ទូរសព្ទ២គ្រឿង ៣-ថង់វេចខ្ចប់ថ្នាំញៀនមួយចំនួន ៤-សម្ភារ:សម្រាប់ប្រើប្រាស់ថ្នាំញៀនមួយចំនួន ៥-ដាវ២ ៦-កូនកន្ត្រៃ១ ។

នៅមុនពេលកើតហេតុកម្លាំងផ្នែកប្រឆាំងគ្រឿងញៀនស្រុក សហកាជាមួយកម្លាំងនគរបាលប៉ុស្តិ៍រដ្ឋបាលពុកឫស្សីបានពួនស្ទាក់​នៅកន្លែងកើតហេតុ ហើយឈានដល់ការឃាត់ខ្លួនជនសង្ស័យម្នាក់យកមកសាកសួរ ចំណែក២នាក់រត់រួច។

ក្រោយមក និងមានការសុំយោបល់ពីលោក លឹម សុគន្ថាព្រះរាជអាជ្ញា  បានធ្វើការឆែកឆេរផ្ទះ ស្រេង ធារ: ហៅបារាំង ដកហូតបានទូរសព្ទចំនួន២គ្រឿង ថង់វេចខ្ចប់ថ្នាំញៀនមួយចំនួន សម្ភារ:សម្រាប់ប្រើប្រាស់ថ្នាំញៀនមួយចំនួន និងចំនួន​ដាវ១។ បន្ទាប់មកទៀតបានធ្វើការឆែកឆេរនៅផ្ទះឈ្មោះ ជា កានីន ហៅចេកចៀន ដកហូតវត្ថុតាងរួមមាន ៖ ជញ្ជីងថ្លឹងថ្នាំញៀនចំនួន១ ដាវចំនួន១ ថង់វេចខ្ចប់មួយចំនួននិងសម្ភារ:ប្រើប្រាស់ថ្នាំញៀនមួយចំនួន។

បច្ចុប្បន្នជនសង្ស័យ និងវត្ថុតាងខាងលើ ត្រូវបានបញ្ជូនមកអធិការដ្ឋាននគរបាលស្រុក បន្តចាត់ការតាមនីតិវិធីច្បាប់៕