Post News Media ព័ត៌មានជាតិ ចុះចោលប្ដីទៅម...

ចុះចោលប្ដីទៅមានប្រុសថ្មី ប្ដីតាមទាន់វាយផ្អើលពេញផ្សារ

ចែកចាយបន្ត

​ភ្នំពេញ: មានការ​ភ្ញាក់ផ្អើលមួយ​​នៅ​ផ្សារ​ឯករាជ្យ​១ ស្ថិត​តាម​បណ្តោយ​ផ្លូវ​វេ​ង​ស្រេង ​​ត្រង់​​​ចំណុច​ភូមិ​ត្រពាំង​ថ្លឹង សង្កាត់​ចោម​ចោម ខណ្ឌ​ពោធិ៍​សែន​ជ័យ ខណ:​បុរស​ម្នាក់​បានស្ទុះ​ចុះ​ពីលើ​ម៉ូតូ ទៅ​ចាប់​ស្ត្រី​ម្នាក់​វាយដំ​យ៉ាង​​ដំណំផ្អើល​អ្នកដំណើរ ដោយឃើញនារី​កំពុង​ជិះ​ម៉ូតូ​ជាមួយ​បុរស​​ម្នាក់​ទៀត ប៉ុន្តែរត់គេចខ្លួនបាត់។

ហេតុការណ៍ភ្ញាក់ផ្អើល​នេះ ​កើតឡើង​កាលពី​ថ្ងៃត្រង់​ទី​១២ មក​រា នេះ ក្រោយកើតហេតុ ​សមត្ថកិច្ចបាន​​ឃាត់ខ្លួន​បុរស​ដៃដល់ និង​ស្ត្រី​រង​គ្រោះ យក​ទៅ​សាកសួរ​នៅ​ប៉ុស្តិ៍​ចោម​​ចៅ​។

ប្រភព​ឱ្យ​ដឹង​ថា ស្ត្រី​រង​គ្រោះ​មានឈ្មោះ ​អ៊ិ​ន ស្រី​តឿ ហៅ​រ៉េ​ន អាយុ​៣០​ឆ្នាំ មាន​ទីលំនៅ​ខេត្តកំពង់ធំ រីឯ​បុរស​គេច​ខ្លួន គឺជា​សង្សារ​ថ្មី​ អត់​ស្គាល់​អត្តសញ្ញាណ​ទេ​​។ ចំណែក​ជន​ដៃដល់​ឈ្មោះ ​ប្រាក់ កុសល អាយុ​២៨​ឆ្នាំ មាន​ទីលំនៅ​ភូមិ​អំពិល ឃុំ​អំពិល ស្រុក​រមាស​​​ហែក ខេត្តស្វាយរៀង។

បើ​តាម​ការ​អះអាង​​ពី​ស្ត្រី​រង​គ្រោះ​បាន​ឱ្យ​សមត្ថកិច្ច​ដឹង​ថា ខ្លួន​និង​បុរស​ដៃដល់​នោះ​ មាន​ទំនាក់ទំនង​ស្នេហា និង​រួមរស់​ជាមួយ​គ្នា​រយ:ពេល​៥​ឆ្នាំ​មក​ហើយ ដោយ​មិន​បាន​រៀប​ការ​នោះទេ។ ប៉ុន្តែប៉ុន្មាន​ខែ​ចុង​ក្រោយនេះ ពួក​គេ​ទាំង​២​នាក់​ ចេះ​តែ​ឈ្លោះ​រកាំរកូស​ដាក់​គ្នា ដោយ​ត្រូវ​បុរស​ជាប្ដីអត់ខាន់ស្លារូបនេះវាយដំច្រំធាក់​នាង​​ ធ្វើ​ឱ្យ​នាង​ទឹកភ្នែក​រាល់ថ្ងៃ​ ទើបនាងសម្រេចចុះចេញតែម្ដង។

ដោយឡែកបុរស​ដៃដល់​ក៏​បានឱ្យ​ដឹងផង​ដែរ​ថា សង្សារ​ខ្លួ​ននេះ (​នារី​រង​គ្រោះ​) បាន​ក្បត់ចិត្ត​គេ​ដោយ​ទៅលួច​ទំនាក់ទំនង​ជាមួយ​ប្រុស​​ផ្សេង (​បុរស​ដែល​គេចខ្លួន​)​ជា​យូរ​មក​ហើយ។ រយ:​២-៣​អាទិត្យ​នេះ ខ្លួន​ឧ​ហ្សា​ហ៍​ឃើញនាង​ជិះ​ម៉ូតូ​ជាមួយ​បុរស​នោះ​ទៀត​។ លុះ​នៅ​ព្រឹក​ថ្ងៃ​ទី​១២ នេះ ខ្លួន​បាន​ជិះ​តាមដាន​នាងជាមួយ​​បុរស​នោះ ចាប់​ពី​ចំណុច​ផ្សារ​ត្រពាំង​ថ្លឹង ហៅ​ផ្សា​រយាយ​ម៉េ​វ ហើយ​​ទ្រាំ​លែង​បាន ក៏​​​ចាប់​នាង​វាយ​តែ​ម្តង។

ប្រភព​ចុង​ក្រោយ​ឱ្យ​ដឹង​ថា នារី​រង​គ្រោះ​ខាងលើកំពុង​មាន​ផ្ទៃពោះ​១​ខែទៅហើយជាមួយបុរសក្រោយនេះទៀតផង៕

ចែកចាយបន្ត