Post News Media ព័ត៌មានជាតិ បន្លំឆ្លុះកញ្...

បន្លំឆ្លុះកញ្ចក់ រួចលួចម៉ូតូទៅបាត់ ខណ:ម្ចាស់ឡើងកុដិប្រគេនចង្ហាន់លោក

ចែកចាយបន្ត

កណ្តាល: បុរសម្នាក់យកចង្ហាន់ទៅប្រគេនព្រះសង្ឃ ពេលឡើងដល់កុដិ ងារមកក្រោយបាត់មិនឃើញម៉ូតូតែម្តង កាលពីវេលាម៉ោង១១ ថ្ងៃទី២០ ខែមីនា ឆ្នាំ២០១៧នេះ នៅចំណុចវត្តបាសិទ្ធលើ ភូមិបាសិទ្ធ ឃុំម្កាក់ ស្រុកអង្គស្នួល ខេត្តកណ្តាល។

ប្រភពពីសមត្ថកិច្ចបានឲ្យដឹងថា ជនរងគ្រោះឈ្មោះ ម៉ិន​​​​ សារិត​​ ភេទប្រុស អាយុ២៤ឆ្នាំ ជន
ជាតិខ្មែរ ​​មុខរបរកសិករ​​ នៅភូមិពង្រ ឃុំម្កាក់​ ស្រុកអង្គស្នួល​​​​​​​​​​​​​​​ ខេត្តកណ្តាល។​ រីឯជនសង្ស័យម្នាក់ឈ្មោះ សុខ​​​​​​​​​​​​​​ កាន់ (ហៅ វេ) ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ នៅភូមិត្រពាំងស្មាច់ ឃុំម្កាក់ ​​ស្រុកអង្គស្នួល ​ខេត្តកណ្តាល។ សម្ភារ:បាត់បង់មាន ម៉ូតូម៉ាកសង់០៨ ឡើងតែម០១០ ពាក់ស្លាកលេខកណ្តាល1G-1709 លេខតួនិងលេខម៉ាស៊ីន ៨២៨០៧៨៣។ ជាសំណាងល្អយកបានមកវិញ នៅថៃ្ងទី២១ ខែមីនា ឆ្នាំ២០១៧នេះ។

មុនកើតហេតុសមត្ថកិច្ចឲ្យដឹងថា ជនរងគ្រោះបានយក ចង្ហាន់ទៅប្រគេនព្រះសង្ឃ នៅវត្តបាសិទ្ធលើ ពេលឡើងដល់កុដិ បានឃើញជនសង្ស័យអង្គុយលើម៉ូតូ ផ្អៀងផ្អងមើលកញ្ចក់បន្តិចក្រោយ មកបាត់ម៉ូតូតែម្តង។ លុះមកដល់ថៃ្ងទី២១ ខែមីនា ឆ្នាំ២០១៧ជនរងគ្រោះ ដើររកបានជួបជនសង្ស័យ នៅមុខរោងចក្រសាមហាន ម្តុំទួលសង្កែ រាជធានីភ្នំពេញ ហើយឃាត់ខ្លូន និងយកម៉ូតូខាងមកប្រគល់ឲ្យសមត្ថកិច្ចចាត់ការ តាមនីតិវិធី៕

ចែកចាយបន្ត