Post News Media ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យម្នាក់ ដែលវាយបំបាក់ក្បាលហង្ស ខាងមុខរូបសំណាកយាយទេព

ចែកចាយបន្ត

ភ្នំពេញ: ជនសង្ស័យម្នាក់ ត្រូវបានសមត្ថកិច្ចចាប់ខ្លួនបានភ្លាមៗ យកមកសាកសួរនៅប៉ុស្តិ៍នគរបាលរដ្ឋបាល សង្កាត់ស្វាយដង្គុំ ខណ:កំពុងធ្វើសកម្មភាពវាយបំបាក់ករូបហង្ស ខាងមុខរូបសំណាកយាយទេព កាលពីវេលាម៉ោង១២និង៣០នាទី ឈានចូលថ្ងៃទី២២ ខែមីនា ឆ្នាំ២០១៧ ស្ថិតនៅភូមិ មណ្ឌល២ សង្កាត់ស្វាយដង្គំ ក្រុងសៀមរាប ខេត្តសៀមរាប។

ជនសង្ស័យខាងលើមានឈ្មោះ ឈឿន ឆើត ភេទប្រុស អាយុ៣៤ឆ្នាំ មានទីលំនៅភូមិថ្លាត ឃុំខ្ចាស់ ស្រុកសូទ្រនិគម ខេត្តសៀមរាប ។

ក្រោយពីសមត្ថកិច្ចសាកសួររួចមក ជនសង្ស័យខាងលើបានបដិសេធថា ខ្លួនមិនបានវាយទេ គឺមានមនុស្សប្រុស២នាក់ ជិះម៉ូតូ១គ្រឿង មកវាយរួចគេចខ្លួនបាត់។

ប៉ុន្តែទោះបីជាយ៉ាងណា សមត្ថកិច្ចកំពុងតែធ្វើការស៊ើបអង្កេតយ៉ាងលម្អិតផងដែរ។

សូមបញ្ជាក់ផងដែរថា រូបសំណាករបស់លោកយាយទេព កាលវេលាម៉ោងប្រមាណជាង១២រំលងអធ្រាត្រឈានចូលថ្ងៃទី២៤ ខែមករា ឆ្នាំ២០១៧ កន្លងទៅ ក៏ធ្លាប់ត្រូវបានជនអគតិ វាយបាក់កនិងឆែបច្រមុះ រួចម្តងមកហើយ ហើយជនបង្ករត់គេចខ្លួនបាត់ស្រមោល៕

ចែកចាយបន្ត