Post News Media ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនស្ត្រីម្នាក់ តាមដីការបស់តុលាការពីបទជួញដូរគ្រឿងញៀន

ចែកចាយបន្ត

ភ្នំពេញ: ដោយយោងទៅតាមមាត្រា១៩៥ ដល់មាត្រា២០២ នៃក្របព្រហ្មទណ្ឌ សំណុំរឿងព្រហ្មទណ្ឌលេខ៤៨៦៥ ចុះថ្ងៃទី៩ ខែតុលា ឆ្នាំ២០១៦ ដែលចេញដោយលោក ឡុង កេសភីរម្យ ចៅក្រមស៊ើបសួរនៃសាលាដំបូងរាជធានីភ្នំពេញនោះ កម្លាំងនគរបាលប៉ុស្តិ៍ផ្សារដើមថ្កូវបានធ្វើការឃាត់ខ្លួនស្ត្រីម្នាក់ ពីបទជួញដូរសាររធាតុញៀនដោយខុសច្បាប់។

ការឃាត់ខ្លួននេះដែរបានធ្វើឡើងកាលពីវេលាម៉ោង១០និង៤០នាទីព្រឹកថ្ងៃទី២៣ ខែមីនា ឆ្នាំ២០១៧ នៅចំណុចខាងមុខផ្ទះជួលគ្មានលេខ ផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

តាមប្រភពព័ត៌មានពីនគរបាលបានប្រាប់ឲ្យដឹងថា ស្ត្រីដែលបានឃាត់ខ្លួនមានឈ្មោះ សោម អូន ហៅស្រីវឿន អាយុ ៤៩ឆ្នាំ មុខរបរនៅផ្ទះមើលចៅ ស្នាក់នៅផ្ទះលេខ ២២ ផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន។ កាចាប់ខ្លួននេះដែរបានធ្វើឡើងក្រោយពីមានដីកាបង្គាប់ពីសាលាដំបូងរាជធានីភ្នំពេញ ដែលចេញដោយលោក ឡុង កេសភីរម្យ ចៅក្រមស៊ើបសួរនៃសាលាដំបូងរាជធានីភ្នំពេញ ដីកាលេខ ៦៥៧ «ឃ»ព្រ.ទ ចុះថ្ងៃទី ១០ ខែ តុលា ឆ្នាំ ២០១៦ របស់សាលាដំបូងរាជធានីភ្នំពេញ ក្រោយពីពិនិត្យឃើញលើសំណុំរឿងរបស់ស្ត្រីខាងលើពីបទជួញដូរដោយខុសច្បាប់នូវសារធាតុញៀន ដែលបានប្រព្រឹត្តនៅចំណុចមុខផ្ទះគ្មាលេខ ច្រកឌឿងហែមខាងក្រោយ ក្រុមហ៊ុន ឃ្យូប៊ី ច្រកឌឿងហែមផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ កាលពីថ្ងៃទី៧ ខែ តុលា ឆ្នាំ ២០១៦ កន្លងមកនោះ ទើបក្នុងថ្ងៃនេះដែរ កម្លាំងរបស់លោកក៏បានធ្វើការចាប់ឃាត់ខ្លួនតែម្តង។

ក្រោយពេលដែលបានចាប់ឃាត់ខ្លួនស្ត្រីខាងលើ ពីបទជួញដូរសារធាតុញៀនដោយខុសច្បាប់ទៅតាមដីការបស់តុលាការួចហើយ ក៏បាននាំមកធ្វើការសាកសួរ និងកំណត់ហេតុនៅនគរបាលប៉ុស្តិ៍ផ្សារដើមថ្កូវ ទើបបញ្ជូនទោកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀត៕

ចែកចាយបន្ត