Post News Media ព័ត៌មានជាតិ កាមរីឆ្លាម បុ...

កាមរីឆ្លាម បុកត្រាក់ទ័រដឹកដើមដំឡូងមី ពេញទំហឹង បណ្តាលឲ្យបុរសម្នាក់របួសធ្ងន់

ចែកចាយបន្ត

បន្ទាយមានជ័យ: យោងតាមសេចក្តីរាយការណ៍ពីភ្នាក់ងារ Post News ប្រចាំខេត្តបន្ទាយមានជ័យ បានឲ្យដឹងថា មានករណីគ្រោះថ្នាក់ចរាចរណ៍មួយ រវាងរថយន្តម៉ាក កាមរីឆ្លាម បុកជាមួយនឹងត្រាក់ទ័រដឹកដំឡូងមី ពេញទំហឹង បណ្តាលឲ្យបុរសអ្នកបើកបររថយន្តរបួសធ្ងន់ ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង ៦និង៤៥នាទី ល្ងាចថ្ងៃទី២៣ ខែមីនា ឆ្នាំ២០១៧ ស្ថិតនៅចំណុចភូមិភ្នំព្រឹក ឃុំភ្នំព្រឹក ក្នុងខេត្តបន្ទាយមានជ័យ។

សេចក្តីរាយការណ៍ដដែលបន្តថា គ្រោះថ្នាក់ចរាចរណ៍គឺបង្កឡើងដោយរថយន្តម៉ាកកាមរីឆ្លាម ពណ៌ប្រផេះ ពាក់ស្លាកលេខ ភ្នំពេញ 2M-4115 បើកបរដោយបុរសម្នាក់ឈ្មោះ ញៀន លី ភេទប្រុស អាយុ៤២ឆ្នាំ ស្នាក់នៅភូមិត្រពាំងព្រលិត ឃុំសន្តិភាព ស្រុកសំពៅលូន បើកបរក្នុងទិសដៅពីត្បូងទៅជើង លុះបានមកដល់ចំណុចកើតហេតុ ក៏បុកជាមួយនឹងត្រាក់ទ័រ ដឹកដំឡូងមី ដែកកំពុងបើកបរពីជើងទៅត្បូង ពេញទំហឹង បណ្តាលឲ្យរថយន្តខ្ទេចផ្ទៃខាងមុខទាំងស្រុង ចំណែកអ្នកបើកបររថយន្តរបួសធ្ងន់ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកសំពៅលូនភ្លាមៗ។

ក្រោយកើតហេតុ ធម្យោបាយធ្វើដំណើរទាំង២គ្រឿង ត្រូវបានសមត្ថកិច្ចយកទៅរក្សាទុក រង់ចាំធ្វើការដោះស្រាយគ្នាពេលក្រោយតាមផ្លូវច្បាប់៕

ចែកចាយបន្ត