Post News Media ព័ត៌មានជាតិ ទៀតហើយ ! សមត្...

ទៀតហើយ ! សមត្ថកិច្ចខណ្ឌឬស្សីកែវ ចុះបង្រ្កាបគ្រឿងញៀន នៅសង្កាត់ទួលសង្កែ

ចែកចាយបន្ត

ភ្នំពេញ: ភ្នាក់ងារ Post News បានឲ្យដឹងថា នៅថ្ងៃទី២៤ មិនា ឆ្នាំ២០១៧ វេលាម៉ោង២រំលងអាធ្រាត ក្រោយពីបានបើកការស្រាវជ្រាវរួច កម្លាំងជំនាញផ្នែកគ្រឿងញៀនខណ្ឌឬស្សីកែវ សហការជាមួយកម្លាំងជំនាញប៉ុស្តិ៍ឬស្សីកែវ បានបើកកិច្ចប្រតិបត្តិការបង្ក្រាបជាក់ស្តែងករណីជួញដូរដោយខុសច្បាប់នូវសារធាតុញៀន ស្ថិតនៅចំណុចផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។

ក្រោយបញ្ចប់ប្រតិបត្តិការ សមត្ថកិច្ចបានធ្វើការឃាត់ជនសង្ស័យចំនួន០៣នាក់ ប្រុសទាំងបី ដែលជនសង្ស័យឈ្មោះ ហួ ជាហេង ភេទប្រុស អាយុ២៧ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ២៦ ក្រុមទី០៣ សង្កាត់វាលវង់ ខណ្ឌ៧មករា (អ្នកជួញដូរ) ។ ជនសង្ស័យទី២ ឈ្មោះ ឈិត រិទ្ធិសែន ភេទប្រុស អាយុ២០ឆ្នាំ ជនជាតិខ្មែរ មុខរបរ បុគ្គលិកតារាងបាល់ ស្នាក់នៅ ភូមិទួលសង្កែ សង្កាត់ទួលសង្កែ (អ្នកប្រើប្រាស់) ។ ជនសង្ស័យទី៣ ឈ្មោះ សេង សិលា ភេទប្រុស អាយុ១៩ឆ្នាំ ជនជាតិខ្មែរ មុខរបរបុគ្គលិកតារាងបាល់ ស្នាក់នៅភូមិទួលសង្កែ សង្កាត់ទួលសង្កែ (អ្នកប្រើប្រាស់) ។ ក្នុងនោះសមត្ថកិច្ចដកហូតបានវត្ថុតាងមួយចំនួនដូចជា ក្រាមពណ៌សថ្លាចំនួន០៣កញ្ចប់ ០១កញ្ចប់ធំ និងថង់សម្រាប់ច្រកគ្រឿងមួយចំនួន ។

បច្ចុប្បន្ន កម្លាំងជំនាញរបស់អធិការដ្ឋាន កំពុងសាកសួរយកចម្លើយ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី ៕

ចែកចាយបន្ត