Post News Media ព័ត៌មានជាតិ ឡង់គ្រឺស័របើក...

ឡង់គ្រឺស័របើកលឿនបើកក្បាលព្រួញចែកទ្រូងផ្លូវ ពេញទំហឹងខ្ទាតពីគ្នាប្រហែល១ម៉ែត្រ

ចែកចាយបន្ត

ភ្នំពេញ: រថយន្តឡង់គ្រឺស័រ មួយគ្រឿងបានបើកបុកក្បាលព្រួញចែកទ្រូងផ្លូវ ពេញទំហឹង បណ្តាលឲ្យក្បាលព្រួញចែកទ្រូងផ្លូវ ខ្ទាតចេញពីគ្នាប្រហែល១ម៉ែត្រ បង្កឲ្យមានការភ្ញាក់ផ្អើលទាំងយប់តែម្តង។

ហេតុការណ៍នេះបានកើតឡើងនៅវេលាម៉ោង១២យប់ឈានចូលថ្ងែទី២៥ ខែមីនា ឆ្នាំ២០១៧ ស្ថិតនៅតាមបណ្តោយផ្លូវព្រះសីហនុ នៅស្តុបវត្តមហាមន្ត្រី សង្កាត់វាលវង់ ខណ្ឌ៧មករា រាជធានីភ្នំពេញ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ បើករថយន្តមួយគ្រឿងម៉ាកឡង់គ្រឺស័ ពណ៌ស្ករ ពាក់ស្លាកលេខ ភ្នំពេញ2F-9787 បើកក្នុងទិសដៅពីកើតមកលិច លឿនដូចហោះ ខណ:មកដល់ចំណុចកើតហេតុ ក៏រេចង្កូតជ្រុលទៅបុកក្បាលព្រួញចែកទ្រូងផ្លូវពេញទំហឹង បណ្តាលឲ្យក្បាលព្រួញចែកទ្រូងផ្លូវខ្ទាតចេញពីគ្នា ប្រហែល១ម៉ែត្រ ចំណែករថយន្តបានដាច់ក្រឡេខាងមុខផ្នែកខាងធ្វេង រថយន្តក៏បានឈប់បើកទៅមុខលែងរួចតែម្តងទៅ រីឯម្ចាស់រថយន្តឃើញរថយន្តរបស់ខ្លួនបើកទៅមុខលេងរួច ក៏បានរត់ចេញខ្លួនពីកន្លែងកើតហេតុបាត់ស្រមោលតែម្តង។

ក្រោយពេលកើតហេតុ សមត្ថកិច្ចជំនួញបានចុះមកវាស់វែងយករថយន្តទៅរក្សាទុកនៅការិយាល័យស្នងការនគរបាលរាជធានីភ្នំពេញដើម្បីរង់ចាំម្ចាស់រថយន្តមកដោះស្រាយតាមផ្លូវច្បាប់៕

ចែកចាយបន្ត