Post News Media ព័ត៌មានជាតិ មន្ត្រីយោធា ប...

មន្ត្រីយោធា បើករថយន្តRANG ROVERបុកខឿនសួនច្បារក្រោមស្ពានអាកាស៧មករា ខូចខាតរួចព្យាយាមបើករត់

ចែកចាយបន្ត

ភ្នំពេញ: មន្ត្រីយោធាម្នាក់ បានបើករថយន្តម៉ាកRANG ROVER បុកសួនច្បារក្រោមស្ពានអាកាស៧មករា បាក់ខូចចំនួន២កង់ រួចព្យាយាមគេច រហូតដល់ចំណុចផ្ទះលេខ ២៥២ ផ្លូវ១៥៦ ក្នុងសង្កាត់ទឹកល្អក់២ ខណ្ឌទួលគោក រថយន្តទៅមុខលែងរួចត្រូវសមត្ថកិច្ចឃាត់ខ្លួនទៅសួរនៅប៉ុស្តិ៍រដ្ឋបាលខណ្ឌទួលគោក។

ហេតុការណ៍នេះបានកើតឡើង កាលពីវេលាម៉ោង៣ និង២០នាទី រសៀលថ្ងៃទី២៥ ខែមីនា ឆ្នាំ២០១៧ នៅចំណុចសួនក្រោមស្ពានអាកាស៧មករា ចំណុចមហាវីថីសហព័ន្ធរុស្សី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

មន្ត្រីម្ចាស់រថយន្តបង្កហេតុមានឈ្មោះ ជីង យូរធិន ភេទប្រុស អាយុ ៣៩ឆ្នាំ ស្ថិតនៅផ្ទះ ផ្លូវលេខ១៥៦ ក្នុងសង្កាត់ទឹកល្អក់២ ខណ្ឌទួលគោក និងមុខរបរ ជាមន្ត្រីយោធា។

អ្នកម៉ូតូឌុបនៅក្បែរនៅស្ថានីយប្រេងឥន្ធ:កាល់តិច បានឃើញហេតុការណ៍ ប្រាប់ឲ្យដឹងថា នៅមុនពេលកើតហេតុ គេឃើញមានបុរសម្នាក់ បើកបររថយន្តម៉ាក RANG ROVER ពណ៌ខ្មៅ ពាក់ស្លាក់លេខ ភ្នំពេញ 2Q-3988 ធ្វើដំណើរតាមបណ្ដោយមហាវិថីសហព័ន្ធរុស្សី ក្នុងទិសដៅពីលិចទៅកើត ខណ:ដល់ចំណុចស្ពានអាកាស៧មករា ត្រូវបត់ស្ដាំ តែមិនបត់បានបុកសួនច្បារក្រោមស្ពានអាកាស បណ្ដាលឲ្យបាក់កង់មុខខាងឆ្វេង តែបានព្យាយាមបើកបរគេចខ្លួន រហូតដល់ចំណុចផ្ទះលេខ២៥២ ផ្លូវ១៥៦ ក្នុងសង្កាត់ទឹកល្អក់២ ខណ្ឌទួលគោក ទើបរថយន្តទៅមុខលែងរួច ត្រូវនគរបាលឃាត់ខ្លួន យកទៅសួរនាំនៅប៉ុស្តិ៍រដ្ឋបាលនគរបាលទឹលល្អក់២។

បច្ចុប្បន្នរថយន្តបង្កហេតុត្រូវបាននគរបាលចរាចរណ៍ផ្លូវគោក ស្ទូចរថយន្តបង្កទៅការិយាល័យចរាចរណ៍ផ្លូវគោករាជធានីភ្នំពេញ ដើម្បីដោះស្រាយតាមនីតិវិធីច្បាប់៕

ចែកចាយបន្ត