Post News Media ព័ត៌មានជាតិ ឪចិញ្ចឹមចាប់រ...

ឪចិញ្ចឹមចាប់រំលោភកូនស្រីខ្លួនឯង ទើបអាយុ១០ ឆ្នាំ រហូតរាប់ភ្លេច

ចែកចាយបន្ត

ក្រចេះ: នាយផ្នែកព្រហ្មទណ្ឌស្រុក​ចិត្រ​បុរី បានប្រាប់ Post News ថា បុរស​ល្មោភកាមម្នាក់ បានចាប់រំលោភ​សេពសន្ថវ:​ លើ​កូនស្រីចិញ្ចឹម​ខ្លួន ដែលទើបមានអាយុ​១០​ឆ្នាំ ​ជារៀងរាល់ខែ ហើយថែមទាំងគំរាម យករឿងនេះ ប្រាប់ឲ្យអ្នកណាដឹងទ្បើយ បើបែកការហ្នឹងសម្លាប់ចោល។

តាមការបញ្ជាក់ពីសមត្ថកិច្ច ​បាន​ឲ្យ​ដឹងថា​ ជនសង្ស័យ​ឈ្មោះ​ លឿ​ត ​ឌី ​អាយុ​៣៩ ​ឆ្នាំ និងប្រពន្ធ​ឈ្មោះ​ គឹម ​គង្គា ​អាយុ​៣៦​ឆ្នាំ​។ ​ នៅពេលមុនកើត​ហេតុ ​នៅ​អំឡុង​ឆ្នាំ​២០១៥ ​ជនសង្ស័យ​ បាន​សុំ​កុមារី​រងគ្រោះ​ អាយុ ​១០​ឆ្នាំ ​ពី​អ្នកភូមិ​ម្នាក់​យកមក​ចិញ្ចឹម ​ចាត់ទុកជា​កូនបង្កើត​។​ ក្រោយពី​យកក្មេងស្រីមក​ចិញ្ចឹម​ជនសង្ស័យ ​តែង​​យក​ក្មេងស្រីរងគ្រោះ​ ទៅ​ដេកចាំ​ចម្ការ​នៅ​ឆ្ងាយ​ពី​ភូមិ ​ដោយមានឱកាស​ជនសង្ស័យ​ ​បាន​ចាប់​រំលោភ​សេពសន្ថវ:​ ជា​រៀងរាល់ខែ​ គឺ​ក្នុង​មួយខែៗ​ពី​០៨ ​ទៅ​ ០៩​ដង​ ហើយថែមទាំងបាន​គំរាម​សម្លាប់​ ប្រសិន​កុមារី​នោះ​ យករឿងនេះទៅ​ប្រាប់​ម្តាយ​(​ប្រពន្ធខ្លួន​) ​។​ លុះដល់​ថ្ងៃទី​២១ ​ខែមីនា ​ឆ្នាំ​២០១៧ ​ជនសង្ស័យ​​បាន​ចាប់រំលោភ​កុមារី​រងគ្រោះ​បាន​ម្តង​។ ​មកដល់​ថ្ងៃទី​២៣ ​ខែមីនា​ បាន​ចាប់រំលោភ​ម្តងទៀត​។​

នៅ​ថ្ងៃទី​២៤ ​ខែមីនា​ ឆ្នាំ​២០១៧​ កុមារី​រងគ្រោះ បានមក​ភូមិ ​ក៏បាន​យក​រឿងរ៉ាវ ដែល​ឪពុកចិញ្ចឹម​ប្រព្រឹត្ត​មកលើ​ខ្លួន ទៅប្រាប់​ម្តាយចិញ្ចឹម​​​ នៅពេលបានដឹងម្ដាយ ក៏បាន​នាំ​កូនស្រី​​ ទៅ​ដាក់​ពាក្យបណ្តឹង​នៅ​ប៉ុស្តិ៍នគរបាល​។ ​បន្ទាប់ពី​ទទួល​បណ្តឹង​សមត្ថកិច្ច ​បាន​ចុះ​ឃាត់ខ្លួន​ជនសង្ស័យ​​ យកមក​សាកសួរ​នៅ​ប៉ុស្តិ៍​រដ្ឋបាល​កន្ទួត​។​ នៅ​ចំពោះមុខ​សមត្ថកិច្ច ជនសង្ស័យ​បាន​សារភាពថា ​ខ្លួន​ពិតជា​បាន​រំលោភ​នាង​តាំងពី​ឆ្នាំ​២០១៥​រហូតមក​ម្ល៉ោះ​។​

​ក្រោយពី​សារភាព​របស់​ជនសង្ស័យ​សមត្ថកិច្ច​ ត្រូវបានសមត្ថកិច្ចកសាង​សំណុំរឿង​ និងបញ្ជូនមកការិយាល័យជួញដូរមនុស្ស និងការពារអនីតិជនខេត្ត ថ្ងៃទី២៥ ខែមីនា វេលាម៉ោង១០ ដើម្បី​ផ្តន្ទាទោស​តាមច្បាប់​៕

ចែកចាយបន្ត