Post News Media ព័ត៌មានជាតិ ស្គាល់គ្នាតាម...

ស្គាល់គ្នាតាមទូរសព្ទសោះ ហ៊ានឲ្យគេខ្ចីលុយ ១២០ដុល្លារ គេមិនសងខឹងប្តឹងសមត្ថកិច្ច

ចែកចាយបន្ត

ភ្នំពេញ: ភ្នាក់ងារ Post News បានឲ្យដឹងថា ស្ត្រីជាកម្មការនីរោងចក្រកាត់ដេរម្នាក់ បានអះអាងថាគាត់ជាអ្នករកស៊ីចងប្រាក់ផងដែរ ប៉ុន្តែលក្ខណ:តូចតាចទេ ហើយមានលុយបន្តិចបន្តួច បានចងការទៅឲ្យទៅបុរសម្នាក់ទៀត ដែលជាអ្នកបើកបររថយន្ត តែមិនមែនឲ្យដោយផ្ទាល់នោះឡើយ គឺគាត់បានផ្ញើរទៅឲ្យបុរសនោះតាមរយ:វីងវេរលុយប៉ុណ្ណោះ ។ អ្វីដែលគាត់ស្គាល់ទុកចិត្តនោះ គឺព្រោះតែជននោះប្រើល្បិច ធ្វើជាស្គាល់គាត់ និងបានសុំស្នេហ៍ពីគាត់រហូតទន់ចិត្ត និងបានវេរលុយឲ្យ ប៉ុន្តែគាត់មិនបានបញ្ជាក់ថា មានទំនាក់ទំងអ្វីផ្សេងជ្រាលជ្រៅលើសពីនេះជាមួយ បុរសនោះទៀតឡើយ ។ បុរសនោះបានខ្ចីលុយ គាត់តាមទូរស័ព្ទ២លើកសរុប១២០ដុល្លារ ហើយក្រោយមក មិនដែលបានបង់ការប្រាក់ឲ្យឡើយ មិនតែប៉ុណ្ណោះអត់បានទាំងដើមថែមទាំងទៀតហើយពេលគាត់ខលទារ លុយបានប្រាប់ឲ្យគាត់ទៅយកដល់ផ្ទះគេ ។ ប៉ុន្តែដោយសារខ្លាចមានបញ្ហា គាត់មិនហ៊ានទៅឡើយ និងប្ដឹងឲ្យនគរបាលជួយ ។

ស្ត្រីរូបនោះបានធ្វើដំណើរ ទៅកាន់ប៉ុស្ដិ៍នគរបាលចោមចៅ ដាក់ពាក្យបណ្ដឹងកាលពីវេលាម៉ោង៥និង៣០នាទីល្ងាច ថ្ងៃទី២៦ ខែមិនា ឆ្នាំ២០១៧ ប៉ុន្តែក្រោយពេលសួរនាំចុះឡើងៗដឹងរឿងថា ជនដែលបោកលុយគាត់ស្នាក់នៅឯភូមិសាស្រ្តសង្កាត់កន្ទោក ទើបនគរបាលប៉ុស្ដិ៍ចោមចៅប្រាប់ឲ្យគាត់ទៅប្ដឹងនៅទីនោះវិញ ។

ស្ត្រីខាងលើនោះឈ្មោះ ញឹម ផល្លី ហៅ អាហៀង អាយុ៣៥ឆ្នាំ មុខរបរកម្មការនីរោងចក្រកាត់ដេរអាមេរិកាំង ដែលមានទីតាំងស្ថិតនៅ តាមបណ្ដោយផ្លូវវេងស្រេង ភូមិជ្រៃកោង សង្កាត់ចោមចៅ និងស្នាក់នៅផ្ទះជួលនៅ ក្នុងភូមិខាងលើ ។ ដោយឡែកបុរសដែលឆបោកប្រាក់គាត់នោះឈ្មោះ វី អាយុច្រើនជាងគាត់មុខ របរបើកបររថយន្តឈ្នួល ចេញចូលចំណតរថយន្តចោមចៅ និងមានទីលំនៅម្ដុំភូមិព្រៃបឹង ក្នុងសង្កាត់កន្ទោក ខណ្ឌពោធិ៍សែនជ័យ ។ ក្រោយពេលនគរបាលចោមចៅ រុញឲ្យគាត់ទៅប្ដឹងនៅប៉ុស្ដិ៍កន្ទោកនោះគាត់ក៏បានទៅប៉ុន្តែនគរបាលមិនទទួលពាក្យបណ្ដឹង ហើយគាត់ក៏បានទៅរកឈ្មោះ វី នោះ ដែលមានប្រពន្ធ និងកូន ហើយកំពុងស្នាក់នៅបន្ទប់ផ្ទះជួលមួយកន្លែង នៅម្ដុំផ្សារកំបូល ដែលស្ថិតនៅក្នុងសង្កាត់កន្ទោក ។ ពេលនោះ គាត់ពន្លះជននោះ១០០ៗ ដោយគាត់បានស្រែកដាក់វ៉ាសៗថា ខ្ញុំខឹងដែរនឹងណា ខ្ញុំមិនខ្លាចវាទេ តែអត់បាន លុយ១រៀលឡើយ ៕

ចែកចាយបន្ត