Post News Media ព័ត៌មានជាតិ សង្ស័យស្រវឹង!...

សង្ស័យស្រវឹង! Ford បើកទៅបុករបាំងថ្មចែកទ្រូងផ្លូវ ទើជាប់ទៅមុខលែងរួច

ចែកចាយបន្ត

ភ្នំពេញ: បុរសម្នាក់សង្ស័យស្រវឹង បានបើករថយន្តជ្រុលបុករបាំងថ្មចែកទ្រូងផ្លូវ បណ្តាលឲ្យរថយន្តឡើងកល់ជាប់លើទ្រូងផ្លូវ បង្កឲ្យមានការភ្ញាក់ផ្អើល នៅវេលាម៉ោង ៨យប់ ថ្ងៃទី២៦ ខែមីនា ឆ្នាំ២០១៧ ស្ថិតនៅចំណុចមុខព្រះវិហារយេស៊ូ តាមបណ្តោយផ្លូវ៥៩៨ ស្ថិតក្នុងភូមិCPC សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ប្រជាពលរដ្ឋ ដែលបានឃើញហេតុការណ៍ផ្ទាល់ភ្នែក បានប្រាប់ភ្នាក់ងារ Post Newsថា មុនដំបូងគេឃើញបុរសវ័យចំណាស់ម្នាក់ បើកបររថយន្តម៉ាក Ford មួយគ្រឿងពណ៌ខ្មៅ ពាក់ស្លាកលេខ ភ្នំពេញ 2O-8588 បើកតាមបណ្តោយផ្លូវ៥៩៨ ទិសដៅពីជើងទៅត្បូង ខណ:មកដល់ចំណុចកើតហេតុ ជាកន្លែងងងឹត ម្យ៉ាងនៅកន្លែងកើតហេតុក្បាលរបាំងថ្មគ្មានស្លាកសញ្ញាសម្គាល់ត្រឹមត្រូវ បូករួមទាំងគាត់ទំនងជាស្រវឹងស្រើងទៀតនោះ ទើបបណ្តាលឲ្យរេចង្កូតទៅបុកឡើងទើលើទ្រូងផ្លូវអូសជាង៥០ម៉ែត្រទើបឈប់ បណ្តាលឲ្យខូតខាតថ្ពាល់រថយន្ត និងបែកចង្កៀងខាងឆ្វេង និងមិនបណ្តាលឲ្យនរណាម្នាក់ រងរបួសនោះទេ។

ក្រោយពីកើតហេតុ សមត្ថកិច្ចជំនាញចរាចរណ៍ខណ្ឌ បានសហការជាមួយចរាចរណ៍ក្រុងចុះមកធ្វើការវាស់វែង ស្ទូចយករថយន្តបង្កទៅកាន់ការិយាល័យចរាចរណ៍រាជធានីភ្នំពេញ ដើម្បីធ្វើការដោះស្រាយគ្នាពេលក្រោយតាមផ្លូវច្បាប់៕

ចែកចាយបន្ត