Post News Media ព័ត៌មានជាតិ ចាស់ល្មោភកាមម...

ចាស់ល្មោភកាមម្នាក់ចាប់រំលោភចៅស្រីបង្កើតអាយុ៦ឆ្នាំបានសម្រេចជាច្រើនដង ចុងក្រោយត្រូវកូនឃើញប្តឹងអាវុធហត្ថចាប់ខ្លួន

ចែកចាយបន្ត

បាត់ដំបង: ជនសង្ស័យត្រូវបានកម្លាំងមូលដ្ឋានកងរាជអាវុធហត្ថស្រុករតនមណ្ឌល បានធ្វើការឃាត់ខ្លួន បន្ទាប់ពីធ្វើសកម្មភាពចាប់រំលោភចៅស្រីបង្កើតរបស់ខ្លួនដែលមានអាយុទើបតែ៦ឆ្នាំ ត្រូវកូនឃើញរត់មកប្តឹងអាវុធហត្ថ។

ការឃាត់ខ្លួននេះបានធ្វើឡើងកាលពីវេលាម៉ោង១០ និង៥០នាទីព្រឹក ថ្ងៃទី២៥ ខែមីនា ឆ្នាំ២០១៧ ស្ថិតនៅចំណុចភូមិស្តៅ ឃុំស្តៅ ស្រុករតនមណ្ឌល ខេត្តបាត់ដំបង។

ជនសង្ស័យដែលត្រូវអាវុធហត្ថឃាត់ខ្លួនបានខាងលើនេះ មានឈ្មោះ កែវ ពៅ ភេទប្រុស អាយុ៦២ឆ្នាំ មុខរបរគ្មាន ទីលំនៅភូមិស្តៅ ឃុំស្តៅ ស្រុករតនមណ្ឌល ខេត្តបាត់ដំបង។

មន្ត្រីកងរាជអាវុធហត្ថ បានឲ្យដឹងថា មុនពេលកើតហេតុ ជនសង្ស័យខាងលើរូបនេះ បានធ្វើការចាប់រំលោភទៅលើចៅស្រីបង្កើតឈ្មោះ ក.ខ.គ ភេទស្រី អាយុ៦ឆ្នាំ រស់នៅភូមិឃុំជាមួយគ្នា ជាច្រើនដងមកហើយ លុះដល់ថ្ងៃកើតហេតុ ម្តាយជនរងគ្រោះ បានឃើញជនសង្ស័យជាឪពុករបស់ខ្លួន កំពុងធ្វើសកម្មភាពរំលោភទៅលើកូនស្រីរបស់ខ្លួនដែលត្រូវជាចៅរបស់ជនសង្ស័យ ក៏បានឈ្លោះប្រកែកគ្នា និងបានរត់មករកកម្លាំងកងរាជអាវុធហត្ថ ឲ្យមកជួយអន្តរាគមន៍ឃាត់ខ្លួនតែម្តង។

បច្ចុប្បន្នជនសង្ស័យខាងលើ ត្រូវបានកម្លាំងកងរាជអាវុធហត្ថធ្វើការសាកសួរនិងកសាងសំណុំរឿងបញ្ជូនខ្លួនទៅកាន់សាលាដំបូងខេត្តចាត់ការតាមនីតិវិធីច្បាប់៕

ចែកចាយបន្ត