Post News Media ព័ត៌មានជាតិ ឆក់អត់ល្ហែ! ប...

ឆក់អត់ល្ហែ! បើកភ្នែកឡើងឆក់កាបូបទាំងព្រឹកម្មងនៅខណ្ឌទួលគោក

ចែកចាយបន្ត

ភ្នំពេញ: ជនសង្ស័យ២នាក់ ជិះម៉ូតូមកក្បែរ ហើយធ្វើសកម្មភាពឆក់កាបូបស្ពាយពីនារីម្នាក់ដែលកំពុងជិះម៉ូតូជាមួយនិងបងប្រុសបានសម្រេច បណ្តាលឲ្យនារីរងគ្រោះដួលម៉ូតូនិងរងរបួសរលាត់ជើងចេញឈាម ចំណែកជនសង្ស័យនាំគ្នារត់គេចចខ្លួនបាត់ ។

ហេតុការណ៍នេះបានកើតឡើងកាលពីវេលាម៉ោង៦ ព្រឹក ថ្ងៃទី២៧ ខែមីនា ឆ្នាំ២០១៧ ស្ថិតត្រង់ចំណុចផ្សារញ៉ែ តាមបណ្តោយផ្លូវលេខ ២១៥ ក្នុងសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ ។

នារីរងគ្រោះសុំមិនបញ្ចេញឈ្មោះ បានឲ្យដឹងថា នៅក្នុងកាបូបស្ពាយដែលត្រូវក្រុមចោរឆក់យកទៅបាត់នោះ មានលុយដុល្លារចំនួន៦០ដុល្លារ, ទូរសព្ទចំនួន២គ្រឿង រួមមានម៉ាក IPhone 7 មួយគ្រឿង និងម៉ាក SamSung មួយគ្រឿងទៀតផង។

ប្រភពដដែលបន្តថា មុនពេលកើតហេតុ រូបនាងបានជិះម៉ូតូមួយគ្រឿងជាមួយបងប្រុស ម៉ាក Zoomer-X ពណ៌ខ្មៅ ចេញពីហូបអីជាមួយមិត្តភក្តិ រួចក៏នាំគ្នាជិះម៉ូតូត្រឡប់មកផ្ទះតាមបណ្តោយផ្លូវលេខ២១៥ ពីជើងទៅត្បូង លុះបានមកដល់ចំណុចកើតហេតុ បងប្រុសរបស់នាង ក៏ជិះបត់ឆ្លងផ្លូវ ដើម្បីចូលទៅផ្លូវផ្ទះតាមផ្សារញ៉ែ ភ្លាមៗនោះស្រាប់តែមានជនសង្ស័យចំនួន២នាក់ ជិះម៉ូតូម៉ាកស៊ុយសាគីនិច មិនចាំស្លាកលេខ បានអែបនិងឆក់កាបូបស្ពាយបានសម្រេច និងបណ្តាលឲ្យនាងដែលអង្គុយនៅក្រោយ ធ្លាក់ពីលើម៉ូតូដែលកំពុងជិះ ដួលអូសនិងថ្នល់រងរបួសជើងដាច់រលាត់ចេញឈាមស្រាល ចំណែកក្រុមចោរបានជិះម៉ូតូគេចចេញពីកន្លែងកើតហេតុបាត់ដោយសុវត្ថិភាព គ្មានខ្លាចញញើតអ្វីនោះទេ ហើយក្រោយពីកើតហេតុ នារីរងគ្រោះត្រូវបានបងប្អូនដឹកមកលាងរបួសនៅផ្ទះ ប៉ុន្តែជនរងគ្រោះមិនចង់ដាក់ពាក្យប្តឹងនោះឡើយ ព្រោះតែគិតថាខាតតែពេល៕