Post News Media ព័ត៌មានជាតិ Update : ពេទ្...

Update : ពេទ្យហាមមិនឲ្យផឹកកាហ្វេមិនស្តាប់ ចុងក្រោយដេកស្លាប់នៅមុខធនាគារឯកទេសខ្មែរ

ចែកចាយបន្ត

ភ្នំពេញ: ភ្នាក់ងារ Post News បានឲ្យដឹងថា កាលពីវេលាម៉ោងប្រហែល ១០ព្រឹក ថ្ងៃទី២៧ ខែមិនា ឆ្នាំ២០១៧ នគរបាលប៉ុស្តិ៍រដ្ឋបាលផ្សារដេប៉ូទី១ ខណ្ឌទួលគោក រាជធានីភ្នំពេញ បានទទួលព៌តមានពី ករណីមនុស្សគាំងបេះដូង ពេលយាមប្រចាំការណ៌នៅគោលដៅធនាគារឯកទេសខ្មែរ ដែលមានទីតាំងផ្ទះលេខ៣៤៥ ផ្លូវ២៤៥ ក្រុមទី២៩ ភូមិ៧ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ ហើយបញ្ជូនមកសង្គ្រោះនៅមន្ទីរពេទ្យព្រះកុសុមះ ក្រោយមកបានស្លាប់ ។

ប្រភពដដែលឲ្យដឹងថា ជនរងគ្រោះមានឈ្មោះ សុឹម ភន ភេទប្រុស អាយុ៥៦ឆ្នាំ ជនជាតិខ្មែរ មុខរបរ សន្តិសុខក្រុមហ៊ុនSCY ស្នាក់នៅផ្ទះជួល ផ្លូវ៤២P ភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ យាមប្រចាំការណ៍គោលដៅ K12 ( ធនាគារឯកទេសខ្មែរ ) ។

យោងតាមការបំភ្លឺរបស់ឈ្មោះ កែវ សុផល ភេទប្រុស អាយុ៤៣ឆ្នាំ ជនជាតិខ្មែរ មុខរបរ បុគ្គលិកធនាគារឯកទេសខ្មែរ ធ្វើការជាមួយជនរងគ្រោះ បានអះអាងថា នៅថ្ងៃទី២៧ ខែមិនា ឆ្នាំ២០១៧ វលាម៉ោងប្រហែល ៧ និង ៤០នាទីព្រឹក ខ្លួនបានមកធ្វើការនៅធនាគារឯកទេសខ្មែរ ស្រាប់តែឃើញជនរងគ្រោះ ឈ្មោះ សុឹម ភន ( សព ) បានអង្គុយលើកៅអីមានសន្លាប់មានបែកពពុះមាត់ ភ្លាមនោះខ្លួនក៏ជួយគក់ច្របាច់ ហើយនាំគ្នាដឹកយកមកសង្គ្រោះបន្ទាន់នៅមន្ទីរពេទ្យព្រះកុសុម: ក្រោយមកជនរងគ្រោះក៏បានស្លាប់ ។

ក្នុងនោះដែរ យោងតាមការបំភ្លឺរបស់ឈ្មោះ ឡោះ សុខ ភេទស្រី អាយុ៥៥ឆ្នាំ ជាប្រពន្ធសព មានលេខទូរសព្ទ 0979159165 បានអះអាងថា ប្ដីរបស់ខ្លួនមានជំងឺបេះដូងប្រចាំកាយ ដោយលេបថ្នាំជាប់ជាប្រចាំ គ្រូពេទ្យបានហាមប្ដីខ្លួនថាកុំឲ្យផឹកកាហ្វេ តែជនរងគ្រោះនៅតែផឹកកាហ្វេ ។

តាមការសន្និដ្ឋានរបស់ការិយាល័យនគរបាលកោសល្យវិច័យ នៃស្នងការដ្ឋាននគរបាលរាជធានីភ្នំពេញ និងគ្រូពេទ្យកោសល្យវិច័យបានសន្និដ្ឋានថា ជនរងគ្រោះស្លាប់ដោយសារការគាំងបេះដូង អាចមកពីជំងឺបេះដូង ។

បច្ចុប្បន្នសពបានធ្វើការប្រគល់ជូនក្រុមគ្រួសារ ដើម្បីទទួលយកទៅធ្វើបុណ្យតាមប្រពៃណី ៕