Post News Media ព័ត៌មានជាតិ ចោរអស់លក្ខ័ឆក...

ចោរអស់លក្ខ័ឆក់កាបូបស្ត្រីម្នាក់បានសម្រេចរត់មិនរួច ជាប់ខ្នោះសមត្ថកិច្ច

ចែកចាយបន្ត

ភ្នំពេញ: ជនសង្ស័យម្នាក់ ក្នុងចំណោមបក្ខពួក២នាក់ ធ្វើសកម្មភាពឆក់កាបូបពីនារីមនាក់ ដែលកំពុងធ្វើដំណើរតាមដងផ្លូវ បានសម្រេច គាប់ជួនជួបសមត្ថកិច្ចកំពុងល្បាត ដេញតាមចាប់ខ្លួនបានភ្លាមៗ។

ហេតុការណ៍នេះបានកើតឡើងកាលពីវេលាម៉ោង១០យប់ ថ្ងៃទី២៧ ខែមីនា ឆ្នាំ២០១៧ ស្ថិតនៅចំណុចផ្លូវបេតុង ក្រុមទី១៤ ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

ជនសង្ស័យដែលចាប់ខ្លួនបានមានឈ្មោះ ចំរើន រដ្ឋធានី ភេទប្រុស អាយុ១៩ឆ្នាំ មានទីលំនៅ ផ្ទះជួល ភូមិលូសង្កាត់ស្វាយប៉ាក ខណ្ឌឬស្សីកែវ មុខរបរមិនពិតប្រាកដ។ ដកហូតវត្ថុតាងរួមមាន កាបូបដៃ ពណ៌ស្វាយ១, ទូរសព្ទម៉ាកLG ពណ៌ស ១គ្រឿង, ម៉ូតូម៉ាកនិច ពណ៌ស ពាក់ស្លាកលេខ ភ្នំពេញ 1FE-7095។ ចំណែកជនរងគ្រោះមានឈ្មោះ ម៉ឹង រីដា ភេទស្រី អាយុ២៥ឆ្នាំ មានទីលំនៅផ្ទះជួល ផ្លូវបេតុង ភូមិបឹងសាឡាង សង្កាត់ឬស្សីកែវ មុខរបរលក់ដូរ។

មុននឹងឈានដល់ការចាប់ខ្លួនបានជនសង្ស័យខាងលើ កម្លាំងខណ្ឌឬស្សីកែវ និងប៉ុស្តិ៍ឬស្សីកែវ កំពុងល្បាតលើដងផ្លូវ ស្រាប់តែឭសម្រែកឲ្យជួយពីជនរងគ្រោះថា ចោរឆក់កាបូប ពេលនោះកម្លាំងល្បាត បានធ្វើអន្តរាគមន៍ដេញប្រផាត់ប្រភីងធ្វើឲ្យជនសង្ស័យភ័យផ្តួលម៉ូតូចោលរត់គេចខ្លួន ក៏ត្រូវកម្លាំងសមត្ថកិច្ចឃាត់ខ្លួនបានម្នាក់ ចំណែកម្នាក់ទៀតរត់គេចខ្លួន។

ក្នុងនោះដែរ សម្ភារ:ដែលបាត់បង់រួមមាន៖ ទូរសព្ទ១គ្រឿង, ប្រាក់ដុល្លារចំនួន១០០ដុល្លារ,អត្តសញ្ញាណប័ណ្ណ១សន្លឹក និងកាបូបស្ពាយ១។

បច្ចុប្បន្នជនសង្ស័យខាងលើ កំពុងត្រូវបានសមត្ថកិច្ចសាកសួរ និងបញ្ជូនខ្លួនទៅកាន់ អធិការដ្ឋាននគរបាលខណ្ឌឬស្សីកែវ ចាត់ការតាមផ្លូវច្បាប់៕

ចែកចាយបន្ត