Post News Media ព័ត៌មានជាតិ បុកទ្រូងផ្លូវ...

បុកទ្រូងផ្លូវទៀតហើយ!បើករថយន្តលឿនពេកជ្រុលទៅបុករបាំងចែកទ្រូងផ្លូវ រងការខូចខាត

ចែកចាយបន្ត

ភ្នំពេញ: បុរសម្នាក់បើករថយន្តម៉ាកហ៊ីយាន់ដាយ មួយគ្រឿង ក្នុងល្បឿនលឿនជ្រុល បុករបាំងថ្មពុះចែកទ្រូងផ្លូវ បណ្តាលឲ្យរងការខូចខាត ហើយរថយន្តបែកកង់ខាងឆ្វេងទៅមុខលែងរួច។

ហេតុការណ៍នេះ បានកើតឡើងកាលពីវេលាម៉ោង១២ និង៤០នាទី រំលងអធ្រាត្រឈានចូលថ្ងៃទី២៩ ខែមីនា ឆ្នាំ២០១៧ នៅចំណុចស្តុបចំការមន តាមបណ្តោយផ្លូវនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមសាក្សីនៅកន្លែងកើតហេតុ បានឲ្យដឹងថា នៅមុនពលកើតហេតុ គេបានឃើញបុរសម្នាក់ បើករថយន្តស៊េរីទំនើបមួយគ្រឿង ម៉ាកហ៊ីយាន់ដាយ ពណ៌ស ពាក់ស្លាកលេខ ភ្នំពេញ 2AA-2885 ធ្វើដំណើរតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជើង ខណ:មកដល់ចំណុចកើតហេតុ ស្រាប់តែរេចង្កូតទៅបុកនឹងរបាំងថ្មពុះចែកទ្រូងផ្លូវ បណ្តាលឲ្យរងការខូចខាតអស់ចំនួន១កង់ ហើយរថយន្តបែកកង់ខាងឆ្វេងទៅមុខលែងរួចតែម្តង។

ក្រោយពេលកើតហេតុ ម្ចាស់រថយន្តបានចុះពីលើរថយន្ត ហើយគេចខ្លួនបាត់ដោយសុវត្ថិភាព។ ចំណែករថយន្តត្រូវបានសមត្ថកិច្ចមូលដ្ឋាន សហការជាមួយនគរបាលចរាចរណ៍ជើងគោករាជធានីភ្នំពេញ ចុះធ្វើការវាស់វែងយកទៅរក្សាទុកដើម្បីរង់ចាំម្ចាស់ចូលខ្លួនមកដោះស្រាយតាមផ្លូវច្បាប់៕

ចែកចាយបន្ត