Post News Media ព័ត៌មានជាតិ Update : ខូចន...

Update : ខូចនៅតែខូច ! បុរសខ្មែរឥស្លាមម្នាក់បោកម៉ូតូអ្នកជិតខាងទុកឲ្យប្រពន្ធមានផ្ទៃពោះរ៉ាប់រងហើយដាក់កំហុសមិត្តភក្តិ

ចែកចាយបន្ត

ភ្នំពេញ: ភ្នាក់ងារPost Newsបានឲ្យដឹងថា កាលពីវេលាម៉ោង៥និង៣០នាទីល្ងាច ថ្ងៃទី២៨ ខែមិនា ឆ្នាំ២០១៧ ស្ត្រីម្នាក់បានទៅដាក់ពាក្យបណ្ដឹង សុំឲ្យនគរបាលប៉ុស្ដិ៍ចោមចៅជួយអន្តរាគមន៍ បន្ទាប់ពី ចាញ់បោកបុរសជនជាតិខ្មែរឥស្លាម ម្នាក់អស់ម៉ូតូ១គ្រឿងកាលពី២ថ្ងៃមុន ដោយជននោះបានខ្ចីជិះហើយយកទៅបញ្ចាំ ប៉ុន្តែបានកុហកប្រពន្ធថា ត្រូវជនម្នាក់ទៀតខ្ចីជិះបន្តយកទៅបញ្ចាំទេមិនមែនខ្លួនជាអ្នកបញ្ចាំឡើយ ។

ខណ:នោះហេតុតែប្រពន្ធមិនចង់ ឲ្យប្ដីមានបញ្ហាក៏នាំទៅលស់យកមកវិញស្រាប់តែជននោះមិនព្រមយកលុយទៅលស់យកម៉ូតូទៅប្រគល់ឲ្យម្ចាស់គេវិញឡើយ គឺបានយកលុយទៅផឹកសុីបន្តរហូតដល់អស់រួចគេចខ្លួនបាត់ចោលប្រពន្ធមានផ្ទៃពោះ៨ខែ ហើយក៏ត្រូវបាន ម្ចាស់ម៉ូតូនាំទៅកាន់ប៉ុស្ដិ៍ចោមចៅ ដើម្បីដោះស្រាយគ្នាផងដែរ ។

ជនសង្ស័យខាងលើនោះឈ្មោះ អុី ទ្រេះសូរី អាយុ៣១ឆ្នាំ មានស្រុកកំណើតភូមិអូរប្រាំ ឃុំស្ទឹងត្រង់ ស្រុកស្ទឹងត្រង់ ខត្តកំពង់ចាម មានប្រពន្ធឈ្មោះ កេង សុភាព ភេទស្រី អាយុ២៦ឆ្នាំ មានផ្ទៃពោះ៨ខែហើយ នាងមានស្រុកកំណើតនៅក្នុងភូមិតុំ ឃុំចំការក្រៅ ក្រុងដូនកែវ ខេត្តតាកែវ ស្នាក់នៅផ្ទះជួលនៅក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ ។ ជននោះបានបោកយកម៉ូតូ១គ្រឿងម៉ាកហុងដាស៊ូពើគុប ចង្កៀងមូល (អាគុបតឿ) ពណ៌ទឹកប្រាក់ពាក់ស្លាកលេខភ្នំពេញ 1BN-9643 ដែលជាកម្មសិទ្ធិរបស់ស្ត្រីម្នាក់ ឈ្មោះ ជុំ ម៉ាច អាយុ២៩ឆ្នាំ មុខរបរកម្មកររោងចក្រកាត់ដេរ ស្នាក់នៅផ្ទួះជួលក្នុងភូមិជាមួយគ្នានិង មានស្រុកកំណើត នៅក្នុងភូមិគន្ធាម ឃុំវាលពន់ ស្រុកថ្ពង ខេត្តកំពង់ស្ពឺ ។ ដោយឡែកជនម្នាក់ទៀត ដែលឈ្មោះ អុី ទ្រេះសូរី ប្រាប់ប្រពន្ធថាបានខ្ចីម៉ូតូនោះបន្តយកទៅបញ្ចាំបន្តនោះ ឈ្មោះ អឿន វាសនា ហៅ ម៉ៅ មុខរបរបញ្ចូលបទភ្លេង អាយុ៣២ឆ្នាំ មានស្រុកកំណើតនៅក្នុងភូមិគុហេរ ឃុំរកាកោង ស្រុកមុខកំពូលខេត្តកណ្ដាល និងស្នាក់នៅម្ដុំផ្សារព្រៃទា ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។

តាមប្រភពព័ត៌មានបានឲ្យដឹងថា កាលល្ងាចពីថ្ងៃទី៦ ខែមិនា ជនខិលខូចដែលជាជនជាតិខ្មែរឥស្លាមម្នាក់ នោះបានខ្ចីម៉ូតូពីស្ត្រីខាងលើ ជិះដោយប្រាប់ថាខ្ចីតែមួយភ្លែតប៉ុណ្ណោះ ស្រាប់តែយកទៅបាត់ស្រមោលរហូត ក្រោយមកបានទៅប្រាប់ប្រពន្ធថា មានអ្នកស្គាល់គ្នាឈ្មោះ អឿន វាសនា ហៅ ម៉ៅ ខ្ចីជិះបន្តហើយបានយកម៉ូតូនោះទៅដាក់ បញ្ចាំក្នុងតម្លៃ៨០ដុល្លារ មិនមែនខ្លួនជាអ្នកបញ្ចាំនោះទេ ។

បន្ទាប់មកស្ត្រីជាប្រពន្ធបានឲ្យប្ដីនោះខលទៅសុំលុយម្ដាយក្មេក (ម្ដាយរបស់ប្ដី) ហើយក្រោយពេលដឹងរឿងបែបនេះ ម្ដាយក៏បានផ្ញើរលុយតាមវីងឲ្យទៅលស់យក ម៉ូតូនោះមកឲ្យម្ចាស់ដើមវិញ ។ ប៉ុន្តែពេលនោះជនសង្ស័យមិនបានទៅលស់យកបានម៉ូតូឡើយគឺបានយកលុយទៅផឹកសុីរហូតដល់អស់លុយ និងបានគេចខ្លួនបាត់ ។ ចំណែកម្ចាស់ម៉ូតូបន្ទាប់ពីអស់សង្ឃឹមក្នុងការរង់ចាំយកម៉ូតូមកវិញនោះក៏បានទៅដាក់ពាក្យបណ្ដឹង នៅប៉ុស្ដិ៍ចោមចៅ ដោយនាំស្ត្រីជាប្រពន្ធជននោះទៅជាមួយផង ដើម្បីដោះស្រាយគ្នា ហើយនាងជាប្រពន្ធ មានផ្ទៃពោះ៨ខែ ប្រហែលជាគ្មានលទ្ធភាពរកប្រាក់សងថ្លៃម៉ូតូ បែរជាក្លាយទៅជាជនរងគ្រោះជំនួសប្ដីនោះទៅវិញ ។

ប្រភពដដែលបានបន្តថា រហូតដល់ព្រឹកថ្ងៃទី២៩ ខែមិនា ទើបជនសង្ស័យឈ្មោះ អុី ទ្រេះសូរី បានចូលខ្លួនទៅកាន់ប៉ុស្ដិ៍នគរបាលចោមចៅ បំភ្លឺប្រាប់នគរបាល ។ជននោះបានកុហកថាខ្លួនបានយកលុយពីប្រពន្ធ៨០ដុល្លារទៅលស់ម៉ូតូ ប៉ុន្តែពេលទៅដល់ខ្លួនបានឲ្យលុយចំនួន៤០ដុល្លារទៅឈ្មោះ អឿន វាសនា ហៅ ម៉ៅ ជាអ្នកទៅលស់ម៉ូតូដោយឈ្មោះនេះជួយចេញ៤០ដុល្លារ ។ ខណ:នោះនគរបាលបានចុះទៅឃាត់ខ្លួនឈ្មោះ អឿន វាសនា ហៅម៉ៅ នាំទៅសាកសួរ ស្រាប់តែចេញរឿងផ្សេងដោយជននេះបានប្រាប់នគរបាលថាគឺឈ្មោះ អុី ទ្រេះសូរី ជាមនុស្សកំពូលខូច ។ ដោយបានហៅខ្លួនទៅផឹកជាមួយ លុះអត់លុយឲ្យគេបានឲ្យខ្លួនជួយនាំទៅកន្លែងបញ្ចាំ ហើយក្រោយមកប្រពន្ធឲ្យលុយទៅលស់យកម៉ូតូវិញមិនព្រមលស់ទេបែរជាយកលុយទៅផឹករហូតដល់អស់ ទើបគ្មានលុយសម្រាប់លស់ម៉ូតូ ។ក្រោយពេលសួរនាំ និងកសាងសំណុំរឿងនៅប៉ុស្ដិ៍ចោមចៅរួចមួយជំហាន ទើបបញ្ជូនទៅកាន់ផ្នែកព្រហ្មទណ្ឌខណ្ឌពោធិ៍សែនជ័យ ដើម្បីចាត់ការបន្ត ៕