Post News Media ព័ត៌មានជាតិ កម្មករសំណង់ម្...

កម្មករសំណង់ម្នាក់ជួញដូរគ្រឿងញៀននៅស្រុកអង្គស្នួល ត្រូវសមត្ថកិច្ចក្របួចជាប់

ចែកចាយបន្ត

កណ្តាល: ភ្នាក់ងារPost Newsបានឲ្យដឹងថា កាលពីវេលាម៉ោង១១ និង៣០នាទី ថ្ងៃទី២៩ ខែមិនា ឆ្នាំ២០១៧ នៅចំណុចខ្នងប្រឡាយ ភូមិត្រពាំងក្រពើ ឃំុ​ក្រាំងម្កាក់ ស្រុកអង្គស្នួល ខេត្តកណ្តាល មុខសញ្ញាជួញដូរគ្រឿងញៀនម្នាក់ ត្រូវបានសមត្ថកិច្ចនគរបាលស្រុកអង្គស្នួលធ្វើការឃាត់ខ្លួន ខណ:ដែលកំពុងជួញដូរគ្រឿងញៀន ។

លោក មាន សំណាង អធិការនគរបាលស្រុកអង្គស្នួលបានប្រាប់ភ្នាក់ងារPost Newsថា ជនសង្ស័យម្នាក់ដែលត្រូវបានឃាត់ខ្លួននោះមានឈ្មោះ ម៉ៃ សំអូន ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅភូមិគម្ពោតស្បូវ ឃំុបែកចាន ស្រុកអង្គស្នួល ខេត្តកណ្តាល ។

វត្ថុតាងដែលសមត្ថកិច្ចបានដកហូតរួមមាន៖ ម្សៅក្រាមសថ្លាសង្ស័យសារធាតុញៀន(ម៉ាទឹកកក)[១២កញ្ចប់(តូច១១កញ្ចប់)(ធំ១កញ្ចប់)] និងទូរសព្ទដៃម៉ាកអិនចុចពិល១គ្រឿង ។

ប្រភពដដែលបានបន្តទៀតថា នៅវេលាម៉ោងកើតហេតុខាងលើកម្លាំងជំនាញអធិការដ្ឋាននគរបាលស្រុកអង្គស្នួល បានទទួលព័ត៌មានពីមហាជនល្អ ថាមានមុខសញ្ញាកំពុងជួញដូរនូវសារធាតុនៅចំណុចខាងលើ ទើបកំលាំងជំនាញចុះទៅបង្រ្កាបមុខសញ្ញាបានម្នាក់ ហើយត្រួតពិនិត្យរកឃើញម្សៅពណ៌សថ្លាសង្ស័យថាសារធាតុញៀនចំនួន១១កញ្ចាប់តូច និង១កញ្ចប់ធំ ។

តាមចម្លើយសារភាពរបស់ជនសង្ស័យ បានឆ្លើយថា ចំពោះថ្នាំញៀនខ្លួនទិញពីឈ្មោះមិនស្គាល់នៅម្តំុចោមចៅតំលៃ១៨មុឺនរៀលយកមកលក់បន្ត ។

បច្ចប្បន្នជនសង្ស័យ ត្រូវបានឃាត់ខ្លួននៅអធិការដ្ឋាននគរបាលស្រុកអង្ដស្នួលដើម្បីបន្តតាមនិតិវិធី ៕

ចែកចាយបន្ត