Post News Media ព័ត៌មានជាតិ បុរសម្នាក់បាក...

បុរសម្នាក់បាក់ជើងឆ្វេង ដោយសាររថយន្តនីសាន់បើកបរមិនប្រកាន់ស្តាំបុកម៉ូតូសណ្តោងរ៉ឺម៉ក នៅខេត្តកណ្តាល

ចែកចាយបន្ត

កណ្តាល: ភ្នាក់ងារPost Newsបានឲ្យដឹងថា កាលពីវេលាម៉ោង៤និង១០នាទីល្ងាច ថ្ងៃទី ២៩ ខែ មីនា ឆ្នាំ ២០១៧ មានករណីគ្រោះថ្នាក់ចរាចរណ៍ នៅលើកំណាត់ផ្លូវ៣៨០ ចំណុចភូមិពុកឫស្សីលើ ឃុំពុកឫស្សី ស្រុកខ្សាច់កណ្ដាល ខេត្តកណ្ដាល ។

បង្កឡើដោយ រថយន្តម៉ាក NISSAN ពណ៌ទឹកបៃតងខ្ចី ពាក់ស្លាកលេខ តាកែវ 3A.1398 អ្នកបើកបរមិនស្គាល់អត្តសញ្ញាណ (រត់គេចខ្លួន) បើកបរក្នុងទិសដៅពីត្បូងទៅជើង មកដល់ចំណុចខាងលើបានជ្រុលទៅបុកជាមួយ និងម៉ូតូសណ្ដោងរ៉ឺម៉កដឹកដែក បើកបរដោយឈ្មោះ វ៉ុន ដា ភេទប្រុស អាយុ១៨ឆ្នាំ ស្នាក់នៅភូមិដីក្រហម ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ (រងរបួសធ្ងន់បាក់ជើងឆ្វេង) ។ រួមដំណើរម្នាក់មានឈ្មោះ យឿន ចិត្ត ភេទប្រុស អាយុ១៧ឆ្នាំ ស្នាក់នៅភូមិកូនក្រុម ឃុំចុងក្រូច ស្រុកតំបែរ ខេត្ត ត្បូងឃ្មុំ (រងរបួសស្រាល) បើកបរក្នុងទិសដៅពីជើងទៅត្បូង ។ មូលហេតុអ្នកបើកបររថយន្ដ បើកបរមិនប្រកាន់ស្ដាំ ។

ក្នុងនោះខូចខាតម៉ូតូ រថយន្ដ​ ហើយត្រូវបានសមត្ថកិច្ចជំនាញធ្វើការដកហូតយកមករក្សាទុកនៅអធិការដ្ឋាននគរបាលស្រុកខ្សាច់កណ្ដាល ៕

ចែកចាយបន្ត