Post News Media ព័ត៌មានជាតិ Update : សង្វ...

Update : សង្វែគណាស់លោកអើយ ! បុរសសុំទានម្នាក់ជួបគ្រោះថ្នាក់ចរាចរណ៍ត្រូវម៉ូតូឌុបទុកចោលនៅកន្លែងកើតហេតុ

ចែកចាយបន្ត

ភ្នំពេញ: ភ្នាក់ងារPost Newsបានឲ្យដឹងថា បុរសម្នាក់ជិះម៉ូតូពីក្រោយបណ្តាលឲ្យរងរបួសធ្ងន់បាក់ជើងម្ខាង ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ៤និង៥០នាទី ថ្ងៃទី២៩ ខែមីនា ឆ្នាំ២០១៧ តាមបណ្តោយផ្លូវសហព័ន្ធរុស្សុីក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។

បុរសដែលរងរបួសនោះមានឈ្មោះហៅក្រៅថាគីងគក់ អាយុ៤៥ឆ្នាំមុខរបរសុំទានគ្មានប្រពន្ធកូនស្នាក់នៅក្នុងវត្តគោកបញ្ជាន់ សង្កាត់ចោមចៅ ខណ្ឌពោធិ៍សែនជ័យរាជធានីភ្នំពេញ ។

ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញម៉ូតូមួយគ្រឿងម៉ាកឌ្រីមពណ៌ខ្មៅ ពាក់ស្លាកលេខភ្នំពេញ 1GA 0044 ជិះដោយបុរស២នាក់យ៉ាងលឿនទិសដៅពីកើតទៅលិចបញ្ច្រាសទិសចរាចរណ៍ លុះមកដល់ចំណុចកើតហេតុខាងលើក៏បត់ស្តាំ ខណ:នោះមានម៉ូតូមួយគ្រឿងទៀតម៉ាកឌ្រីមពណ៌ខ្មៅពាក់ស្លាកលេខកំពង់ធំ 1G 7678 ជិះពីលិចទៅកើតដោយបុរសម្នាក់ក្នុងល្បឿនមធ្យម ជាន់ហ្វ្រាង្គ មិនទាន់ក៏ជ្រុលទៅបុកម៉ូតូខាងលើ ចំកំណាត់ក្រោយពេញទំហឹង បណ្តាលឲ្យបាក់កាត់សាប៊ូ និងស្លាកលេខនៅនិងកន្លែង រួចអ្នកឌុបជនរងគ្រោះជិះគេចខ្លួនបាត់ស្រមោល រីឯជនរងគ្រោះដែលជិះពីក្រោយរងរបួសជើងខាងឆ្វេងធ្ងន់ធ្ងរសង្ស័យបាក់ ហើយត្រូវបានរថយន្តសង្គ្រោះដឹកយកទៅសង្គ្រោះនៅមន្ទីពេទ្យក្បែរនោះ ។

ក្រោយពេលកើតហេតុសមត្ថកិច្ចចរាចរណ៍បានមកធ្វើការវាស់វែង និងយកម៉ូតូមួយគ្រឿងទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ ដើម្បីរង់ចាំដោះស្រាយពេលក្រោយ ៕

ចែកចាយបន្ត