Post News Media ព័ត៌មានជាតិ ស្គាល់អត្តសញ្...

ស្គាល់អត្តសញ្ញាណសពស្ត្រីម្នាក់ដែលអណ្តែតមកទើលើច្រាំងទន្លេ នៅក្នុងសង្កាត់ទន្លេបាសាក់កាលពី ៥ថ្ងៃមុនហើយ

ចែកចាយបន្ត

ភ្នំពេញ: ភ្នាក់ងារPost Newsបានឲ្យដឹងថា សាកសពរបស់ស្ត្រីមិនស្គាល់អត្តសណញ្ញាណម្នាក់ដែលបានស្លាប់បាត់បង់ជីវិតច្រើនថ្ងៃមកហើយ ដែលត្រូវបានគេប្រទះឃើញអណ្តែតមកទើរនៅមាត់ច្រាំងទន្លេខាងក្រោយក្រុមហ៊ុនសំណង់ ព្រីនស៍ផ្លាហ្សា កាលពី ៥ថ្ងៃមុននោះ ពេលនេះបានស្គាល់អត្តសញ្ញាណហើយ ដោយសារតែប្អូនប្រុស ស្រី របស់ជនរងគ្រោះចំនួនពីរនាក់ បានមកសុំលិខិតមរណ:ភាពពីនគរបាលប៉ុស្តិ៍ទន្លេបាសាក់ នៅវេលាម៉ោង ៣ និង ៣០នាទីរសៀល ថ្ងៃទី ៣០ ខែមីនា ឆ្នាំ ២០១៧នេះ ។

តាមប្រភពបុរសម្នាក់ឈ្មោះ ឆាយ ហៃ អាយុ ៤៥ឆ្នាំ ជាប្អូនបានរៀបរាប់ប្រាប់ថា បងស្រីរបស់គាត់មានឈ្មោះ ឡេង សុខនាង អាយុ ៤៧ឆ្នាំ មានប្តីឈ្មោះ សាំង ចន្ធូ អាយុជាង ៥០ឆ្នាំ ស្នាក់នៅក្នុងសង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅភូមិសាឡូង ឃុំក្តឿងរាយ ស្រុកកញ្ជាច ខេត្តព្រៃវែង។កាលពីថ្ងៃទី ២៣ ខែ មីនា ឆ្នាំ ២០១៧ កន្លងមកនេះ បងស្រីរបស់គាត់ ដោយសារតែមានវិបត្តិក្នុងគ្រួសារដោយសារតែប្តីរបស់គាត់លួចមានប្រពន្ធចុង និងបានប្រើអំពើហិង្សាទៅលើរូបបគាត់នោះ ក៏បានដើរចេញពីផ្ទះបាត់ដំណឹងសូន្យឈឹង ដោយមិនមានអ្នកណាម្នាក់បានដឹងថាគាត់ទៅទីណាឡើយ ។

តាមប្រភពដដែលបានប្រាប់បន្តទៀតថា លុះដល់ថ្ងៃទី ២៥ ខែ មិនា ឆ្នាំ ២០១៧ ពួកគាត់ជាប្អូនៗបានឭដំណឹងថា មានសាកសពស្ត្រីម្នាក់ត្រូវបានគេប្រទះឃើញអណ្តែតទឹកនៅក្នុងសង្កាត់ទន្លេបាសាក់ ភា្លមនោះរូបពួកគាត់ជាប្អូនៗមិនបានឡើងពីស្រុកមកទេ ដោយប្រាប់ឲ្យក្មួយប្រុសរបស់គាត់ដែលជាកូនរបស់បងស្រីគាត់ឲ្យទៅមើល ហើយត្រូវគេប្រាប់ថា សាកសពនោះមិនមែនជាម្តាយរបស់គេទេ ។ ក្នុងថ្ងៃនោះដែរ សាកសពបងស្រីរបស់គាត់ត្រូវបានគេធ្វើការបូជានៅឯវត្តចាក់អង្រែក្រោមបាត់ទៅហើយ លុះថ្ងៃទី ២៧ ខែ មិនា ឆ្នាំ ២០១៧ កន្លងមកនេះ ពួកគាត់ក៏បាននាំគ្នាមកកាន់ភ្នំពេញ ហើយភា្ជប់ជាមួយអត្តសញ្ញាណប័ណ្ណរបស់គាត់មួយសន្លឹក និងរូបថតផងដែរ ទៅធ្វើការសាកសួរនគរបាលប៉ុស្តិ៍ទន្លេបាសាក់ និងដល់នគរបាលក្រុងភ្នំពេញផងដែរ ។ ដោយឆ្លងកាត់តាមការស្រាវជ្រាវនេះដែរ កម្លាំងនគរបាលជំនាញកោសលវិច្ច័យនៃស្នងការនគរបាលរាជធានីភ្នំពេញ បានធ្វើការពិនិត្យទៅលើស្នាមមេដៃសាកសព និងស្នាមមេដៃនៅលើអត្តសញ្ញាណប័ណ្ណរបស់សាកសពនោះទៅឃើញថា គឺពិតជាស្នាមមេដៃ និងសម្លៀកបំពាក់ទើបដឹងថាពិតជាបងស្រីរបស់ពួកគាត់ពិតប្រកដមែន ។

គួរបញ្ជាក់ថា កាលពីថ្ងៃទី ២៥ ខែ មីនា ឆ្នាំ ២០១៧ កន្លងមកនេះ មានសាកសពស្ត្រីមិនស្គាល់អត្តសញ្ញាណម្នាក់ដែលស្លាប់ដោយសារតែលង់ទឹកនោះ ត្រូវបានគេប្រទះឃើញអណ្តែតទឹកមកទើរនៅមាត់ច្រាំងខាងក្រោយក្រុមស៊ុនសំណង់ ព្រីនស៍ផ្លាហ្សា ក្នុងសង្កាត់ទន្លេបាសាក់ ខណ្ឌចំការមន ហើយក៏ត្រូវបានកម្លាំងមានសម្ថកិច្ចបញ្ជូនយកទៅកម្កល់ និងធ្វើការបូជានៅវត្តចាក់អង្រែក្រោមបាត់ទៅហើយ ៕

ចែកចាយបន្ត