Post News Media ព័ត៌មានជាតិ ផ្អើលភ្ញៀវ ពេ...

ផ្អើលភ្ញៀវ ពេលបុគ្គលិកមកសុំបើកប្រាក់ខែថៅកែចោទថា មកអុកឡុកខាងមុខហាងមីហិរសេអ៊ូល៧យ៉ាង

ចែកចាយបន្ត

ភ្នំពេញ: ភ្នាក់ងារPost Newsបានឲ្យដឹងថា មានករណីស្ត្រីម្នាក់បានមកសុំបើកលុយដែលបានធ្វើការងារចំនួន១៧ថ្ងៃ ស្រាប់តែត្រូវថៅកែហាងចោទប្រកាន់ថាមកអុកឡុកពេលកំពុងមានភ្ញៀវផងនោះ ។

ហេតុការសុំបើកលុយនេះកើតឡើងនៅម៉ោង៨និង៣០នាទីយប់ ថ្ងៃទី៣០ ខែមិនា ឆ្នាំ២០១៧ នៅខាងមុខហាងមីហិរសេអ៊ូល មីហិរ៧យ៉ាង ស្ថិតនៅផ្លូវ២៦៥ កែងនិងផ្លូវ១៦០ សង្កាត់ទឹកល្អក់២ ខណ្ឌទួលគោក រាជធានីភ្នំពេញ ។

តាមសំដីស្ត្រីឈ្មោះ ឈ្មោះ​ សៀង​ សំអាត​ អាយុ៤៤ឆ្នាំ​ និងកូនស្រីឈ្មោះ សុីថាត់​ អាយុ១៦ឆ្នាំ ស្នាក់នៅផ្ទះជួលមុខមន្ទីរពេទ្យលោក​សង្ឃ ដែលជាអតីត បុគ្គលិកខាងអនាម័យនៅហាងមីហិរ Seoul ខាងលើបានរៀបរាប់ទាំងទឹកភ្នែកថា គាត់និងកូនស្រីបានចូលបំរើការងារតាំងពីថ្ងៃទី១១ មិនា ២០១៧ ដោយទទួលបានប្រាក់ខែចំនួន១៨០ដុល្លារនិង១០០ដុល្លារក្នុងមួយខែ ។

ស្រាប់តែនៅថ្ងៃទី២៨ មិនា ២០១៧ មានកម្មករបាត់កាបូបលុយ ហើយថៅកែមកនិយាយឲ្យគាត់ឈ្មោះ សៀង សំអាត ប្រគល់លុយឲ្យទៅជនរងគ្រោះវិញ ដោយគាត់មិនបានយកនិងបានបដិសេធដាច់អហាំងការ ដោយមានការតូចចិត្តតូចថ្លើមក៏សុំលាឈប់ពីការងារនៅហាងមីហិរ៧យ៉ាង Seoul តែម្តង ។

ទើបនៅថ្ងៃកើតហេតុគាត់បានមកសួរនាំអំពីថ្លៃកម្លាំងពលកម្មដែលបានធ្វើអស់រយះពេល១៧ថ្ងៃនោះ ។

ចំណែកខាងម្ចាស់ហាងមីហិរសេអ៊ូលទាំង២នាក់មិនបានប្រាប់ឈ្មោះឲ្យដឹងទេ គាត់បានចោទស្ត្រីជាអតីតបុគ្គលិកផ្នែកអនាម័យថា ហេតុអ្វីមិនទំនាក់ទំនងខាងអ្នកគ្រប់គ្រង? បែរជាមកអុកឡុកឡូឡាខាងមុខហាងដែលកំពុងមានភ្ញៀវច្រើនយ៉ាងនេះ ។

ម្ចាស់ហាងបានបន្តទៀតថា ស្ត្រីខាងអនាម័យបានហែកបុងម៉ោងចេញចូលធ្វើការងារប្រចាំថ្ងៃចោល ធ្វើឲ្យពិបាកក្នុងការបើកប្រាក់កម្លាំងពលកម្មឲ្យគាត់និងកូនគាត់ ។

ក្រោយពីស្ត្រីសុំមកបើកលុយនិងថៅកែហាងបានមកដល់ប៉ុស្ត៏នរគបាលទឹកល្អក់ទី២ ម្ចាស់ហាងក៏យល់ព្រមបើកលុយចំនួន៤១ដុល្លារនិងកូនស្រីចំនួន២៨ដុល្លារ ដោយកាត់លុយតាមច្បាប់នៅក្នុងហាង ដើម្បីបញ្ចប់រឿងតែម្តង ៕

ចែកចាយបន្ត