Post News Media ព័ត៌មានជាតិ កាមរីបាឡែនបុក...

កាមរីបាឡែនបុករបាំងថ្មចែកទ្រូងផ្លូវ ត្រូវព្រុសមកពីក្រោយបុកបន្ថែមក្បែរច្រកចូលវត្តសន្សំកុសល!

ចែកចាយបន្ត

ភ្នំពេញ: រថយន្តម៉ាកកាមរីបាឡែនមួយគ្រឿង បានបើកជ្រុលទៅបុករបាំងថ្មចែកទ្រូងផ្លូវ ហើយត្រូវរថយន្តម៉ាកព្រុស បើកមកពីក្រោយ បុកបន្ថែមទៀត បណ្ដាលឲ្យរងការខូចខាត។

ហេតុការណ៍នេះបានកើតឡើងកាលពីវេលាម៉ោង៩និង២០នាទី យប់ថ្ងៃទី២៦ ខែមេសា ឆ្នាំ២០១៧ ស្ថិតនៅចំណុចក្បែរច្រកចូលវត្តសន្សំកុសល តាមបណ្ដោយផ្លូវ២៧១ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ប្រភពព័ត៌មានពីប្រជាពលរដ្ឋ បានបានឃើញហេតុការណ៍បានឲ្យដឹងថា មុនពេលកើតហេតុ គេបានឃើញស្ត្រីម្នាក់ បើករថយន្តមួយគ្រឿងម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2X-0041 រួមដំណើរដោយស្ត្រី២នាក់ទៀត ក្នុងរថយន្ត ធ្វើដំណើតាមបណ្ដោយផ្លូវលេខ២៧១ ទិសដៅពីត្បូងទៅជើង ខណ:មកដល់ចំណុចកើតហេតុ មិនដឹងយ៉ាងម៉េចស្រាប់តែរថយន្តនោះបានជ្រុលចង្កូតទៅបុករបាំងថ្មចែកទ្រូងផ្លូវ បណ្តាលឲ្យវៀចអស់១កង់ ហើយភ្លាមៗក៏មានរថយន្តម៉ាកព្រុស ពណ៌ត្រីឆ្លួញ ពាក់ស្លាកលេខ ភ្នំពេញ 2AC-2839 បើកបរដោយបុរសម្នាក់ដែលកំពុងបើកពីក្រោយនោះ វ៉ាក់អឺ ចាប់ហ្វ្រាំងមិនទាន់ ក៏ជ្រុលមកបុកពីក្រោយរថយន្តកាមរីបាឡែននោះ ពីក្រោយទៀតបណ្តាលឲ្យរងការខូចខាតមួយតង់ទៀត ។

បន្ទាប់ពីកើតហេតុម្ចាស់រថយន្តទាំង២គ្រឿង បានសម្របសម្រួលគ្នា ដោយភាគីខាងរថយន្តកាមរីបាឡែន ព្រមទទួលកំហុស សងថ្លៃខូចខាតទៅលើរថយន្តព្រុសដែលបានបើកបុកពីក្រោយផងដែរ។ ប៉ុន្តែខណ:ពេលដែលកំពុងដោះស្រាយគ្នា សមត្ថកិច្ចមូលដ្ឋាន បានចុះមកដល់កន្លែងកើតហេតុ និងបានឃាត់រថយន្តកាមរីបាឡែនឲ្យនៅកន្លែងកើតហេតុ ដើម្បីទាក់ទងទៅជំនាញចរាចរណ៍ក្រុង ឲ្យមកស្ទួចយកទៅដោះស្រាយគ្នានៅក្រុង ព្រោះរថយន្តកាមរីបាឡែនបានបង្កផលប៉ះពាល់ដល់សម្បត្តិសាធារណ: ទើបម្ចាស់រថយន្តកាមរីបាឡែន លែងផ្តល់សំណងឲ្យភាគីរថយន្តព្រុស ហើយក៏ត្រូវសមត្ថកិច្ចឃាត់យករថយន្តទាំង២គ្រឿង យកទៅរក្សាទុកនៅ ការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ រង់ចាំធ្វើការដោះស្រាយគ្នាតាមផ្លូវច្បាប់តែម្តង៕