Post News Media ព័ត៌មានជាតិ មុននេះបន្តិច ...

មុននេះបន្តិច សមត្ថកិច្ចប្រឆាំងបទល្មើសជួញដូរមនុស្ស ចុះឃាត់ខ្លួនជនបរទេសម្នាក់នៅក្បែរផ្សារទួលទំពូង

ចែកចាយបន្ត

ភ្នំពេញ: តាមសេចក្តីរាយការណ៍ពីភ្នាក់ងារ Post Newsប្រចាំខណ្ឌចំការមន បានឲ្យដឹងថា មុននេះបន្តិចកម្លាំងនគរបាលប្រឆាំងបទល្មើសជួញដូរមនុស្ស និងការពារអនីតិជននៃស្នងការដ្ឋាននគរបាលរាជធានីភ្នំពេញ បានចុះធ្វើការឃាត់ខ្លួនជនបរទេសម្នាក់ ពាក់ពន្ធ័នឹងបទល្មើស រំលោភលើអនីតិជន។

ការចុះបង្ក្រាបនេះបានធ្វើឡើងកាលពីវេលាម៉ោង១និង៣០នាទី ថ្ងៃទី២៧ ខែមេសា ឆ្នាំ២០១៧ ស្ថិតនៅចំណុចក្បែរផ្សារទួលទំពូង ផ្ទះលេខ៣៩ ផ្លូវ១៥៥ ក្នុងសង្កាត់ទួលទំពូង១ ខណ្ឌចំការមន រាជធានីភ្នំពេញ។

ការឃាត់ខ្លួននេះដែរ ធ្វើឡើងក្រោយពីមានស្រាវជ្រាវពីសំណាក់កម្លាំងជំនាញ នៃការិយាល័យប្រឆាំងបទល្មើសជួញដូរមនុស្ស និងការពារអនីតិជននៃស្នងការដ្ឋាននគរបាលរាជធានីភ្នំពេញ បន្ទាប់ពីទទួលបានពាក្យបណ្តឹងពីជនរងគ្រោះចំនួន៤នាក់ ពីបទ រំលោភលើអនីតិជន និងបន្តចុះនាំមកឆែកឆេរទីតាំងដែលជនសង្ស័យខាងលើស្នាក់នៅ ដកហូតបានវត្ថុតាងជាច្រើនផងដែរ។

ជនសង្ស័យខាងលើនេះ មានឈ្មោះ Care Robert Gressy ភេទប្រុស ជនជាតិអង់គ្លេស អាយុ៦៩ឆ្នាំ ស្នាក់ខុនដូយីហោ ឌី អ៊ឹម DM ទីតាំងលេខ១០៩ ផ្លូលេខ៤៧០ សង្កាត់ទួលអំពូងទី២ ខណ្ឌចំការមន។

ចំណែកជនសង្ស័យខាងលើ ត្រូវបានសមត្ថកិច្ចបញ្ជូនទៅកាន់ការិយាល័យនាយកដ្ឋានប្រឆាំងបទល្មើសជួញដូរមនុស្សនិងការពារអនីតិជននៃស្នងការដ្ឋាននគរបាលរាជធានីភ្នំពេញ ចាត់ការបន្តតាមផ្លូវច្បាប់៕

ចែកចាយបន្ត