Post News Media ព័ត៌មានជាតិ Update៖ រថយន្...

Update៖ រថយន្តបែនដឹកគ្រួសឈប់ស្តុបត្រូវរថយន្តក្រុមហ៊ុនCamel(អូដ) បុកពីក្រោយខូចខាតទាំងសងខាង

ចែកចាយបន្ត

ភ្នំពេញ: រថយន្តដឹកគ្រួស១គ្រឿង ខណ:កំពុងឈប់ស្តុប ក៏មានរថយន្ត១គ្រឿងទៀតរបស់ក្រុមហ៊ុន Camel (អូដ) មកបុកពីក្រោយពេញទំហឹងបណ្តាលឲ្យរងការខូចខាតទាំងសងខាង។

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២និង៤០នាទីរសៀល ថ្ងៃទី២៨ ខែមេសា ឆ្នាំ២០១៧ ស្ថិតតាមបណ្តោយផ្លូវវេងស្រេង ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីអ្នកបើករថយន្តម៉ាកហ៊ីយ៉ាន់ដាយ ពណ៌សលាយទឹកក្រូច ពាក់ស្លាកលេខ កំពង់ឆ្នាំង 3A-0559 ដែលជារបស់ក្រុមហ៊ុនCamel (អូដ) បានឲ្យដឹងថា មុនពេលកើតហេតុ គាត់បានឃើញរថយន្តម៉ាក នី សាន់ ពណ៌ស ពាក់ស្លាកលេខចង្កូតស្តាំ PP-1475 ឈប់ពីខាងមុខ តែដោយសារថយន្តគាត់ជាន់ហ្វ្រាំងមិនស៊ី ក៏ជ្រុលទៅបុកបណ្តាលឲ្យរងការខូចខាត ដោយភាគីរថយន្តនីសាន់ វៀចកាងខាងក្រោយ និងរថយន្តហ៊ីយ៉ាន់ដាយ ខ្ទេចកំណាត់មុខតែម្តង។

ក្រោយពេលកើតហេតុភាគីទាំងសងខាង បានធ្វើការដោះស្រាយគ្នា ដោយភាគីខាងរថយន្តហ៊ីយ៉ាន់ដាយ បានសងការខូចខាតទៅឲ្យភាគីខាងរថយន្តនីសាន់ដើម្បីបញ្ចប់រឿងផងដែរ៕