Post News Media ព័ត៌មានជាតិ Update៖បុរសម្...

Update៖បុរសម្នាក់ត្រូវគេចាក់ពេលទៅទិញថ្នាំញៀន រត់មកដួលនៅម្តុំផ្សារសូរិយាម៉ល

ចែកចាយបន្ត

ភ្នំពេញ: បុរសម្នាក់ត្រូវបានអ្នកលក់ថ្នាំញៀនចាក់ត្រូវចង្កេះ បណ្តាលឲ្យរបួសហូរឈាមប្រឡាក់ពេញខ្លួន រួចក៏រត់មកដួលនៅច្រកចូលចំណតរថយន្តផ្សារសូរិយាម៉ល បានបង្កការភ្ញាក់ផ្អើលដល់ប្រជាពលរដ្ឋចោមរោមមើល ។

ហេតុការណ៍នេះកើតឡើងកាលពីវេលាម៉ោង ៧និង៣០នាទីព្រឹក ថ្ងៃទី២៨ ខែមេសា ឆ្នាំ២០១៧ នៅចំណុចផ្លូវ១៥៤ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។

ជនរងគ្រោះមានឈ្មោះ អ៊ុ វិសាល ភេទប្រុស អាយុ២៦ឆ្នាំ មុខរបរមិនពិតប្រាកដ ស្នាក់នៅម្តុំទួលស្វាយព្រៃ ខណ្ឌចំការមន ត្រូវអ្នកលក់គ្រឿងញៀនចាក់ត្រូវត្រង់ចង្កេះរងរបួសធ្ងន់ ។

ជនរងគ្រោះបានប្រាប់ថា ខ្លួនបានទៅទិញគ្រឿងញៀនពីអ្នកលក់នៅផ្លូវ៥១ កែងនិងផ្លូវ១៥៤ ស្រាប់តែត្រូវអ្នកលក់ថ្នាំញៀនដកកាំបិតចុងស្រួចចាក់តែម្តង ។

តាមប្រភពបានប្រាប់ថា គេឃើញបុរសខាងលើបានរត់ពីស្តុបតាន់ប៉ា មកដួលក្រោកលែងរួចនៅច្រកចូលរថយន្តផ្សារសូរិយាម៉ល ដោយមានឈាមប្រឡាក់ពេញខ្លួន និងបានទំនាក់ទំនងសមត្ថកិច្ច រថយន្តសាមុយមកដឹកយកទៅសង្គ្រោះនៅមន្ទីរពេទ្យ ។

ក្រោយពេលកើតហេតុសមត្ថកិច្ចនិងធ្វើការស្រាវជ្រាវរកជនបង្កនិងក្រុមដែលចែកចាយគ្រឿងញៀន យកមកផ្តន្ទាទោសទៅតាមផ្លូវច្បាប់ ៕