Post News Media ព័ត៌មានជាតិ បុរសម្នាក់ ស្...

បុរសម្នាក់ ស្រវឹងស្រាចុះមុជទឹក បណ្តាលឲ្យលង់ទឹកស្លាប់

ចែកចាយបន្ត

ពោធិ៍សាត់: លោកអធិការស្រុកក្រគរ បានប្រាប់Post News ថា មានករណីបុរសម្នាក់ ស្រវឹងស្រាចុះមុជទឹក បណ្តាលឲ្យលង់ទឹកស្លាប់ បង្កការភ្ញាក់ផ្អើល។

ហេតុការណ៍នេះបានកើតឡើងកាលពីវេលាម៉ោង៨យប់ ថ្ងៃទី២៧ ខែមេសា ឆ្នាំ២០១៧ នៅចំណុចដីថ្មី ស្ទឹងបំណក់ ស្ថិតនៅភូមិកាប៉ះលើ ឃុំឈើតុំ ស្រុកក្រគរ ខេត្តពោធិសាត់។

លោកអធិការបានបន្តថា បុរសដែលស្លាប់មានឈ្មោះ ផាត យ៉ាង អាយុ៣៦ឆ្នាំ ស្នាក់នៅភូមិកើតហេតុខាងលើ មានប្រពន្ធឈ្មោះ រី ឡឹង អាយុ៥៦ឆ្នាំ។

លោកអធិការបន្តទៀតថា មូលហេតុគឺជនរងគ្រោះមានជំងឺស្កន់ ហើយផឹកស្រាស្រវឹង បានចុះមុជទឹកស្ទឹង បណ្តាលឲ្យប្រកាច់ស្លាប់ នៅក្នុងទឹកស្ទឹង។ បន្ទាប់មកប្រពន្ធជនរងគ្រោះបានដើរកតែមិនឃើញលុះព្រឹកថ្ងៃទី ២៨ ខែមេសា ឆ្នាំ២០១៧បានឃើញសាកសព អណ្តែត នៅក្នុងស្ទឹងខាងត្បូងស្ពានដែកប្រហែល៥០ម៉ែត្រ។

ក្រោយពីកើតហេតុ កម្លាំងជំនាញនៃអធិការដ្ឋាននគរបាលស្រុកចុះពិនិត្យសាកសព រួចហើយ ប្រគល់ជូនក្រុមគ្រួសារជនរងគ្រោះយកទៅធ្វើបុណ្យតាមប្រពៃណី៕