Post News Media ព័ត៌មានជាតិ អាណោចណាស់! បុ...

អាណោចណាស់! បុរសម្នាក់ជិះកង់ឆ្លងថ្នល់ ត្រូវរថយន្តបុកពេញទំហឹង ស្លាប់ភ្លាមៗនៅនឹងកន្លែង

ចែកចាយបន្ត

កណ្តាល: ភ្នាក់ងារPost News បានរាយលារណ៍មកថា មានករណី គ្រោះថ្នាក់ចរាចរណ៍ រវាងរថយន្តបុកកង់
បណ្តាលឲ្យបុរសម្នាក់ស្លាប់ភ្លាមៗនៅនឹងកន្លែង។

ហេតុការណ៍នេះបានកើតឡើងកាលពីវេលាម៉ោង៦និង៥៥នាទីយប់ ថ្ងៃទី២៨ ខែមេសា ឆ្នាំ២០១៧ នៅលើផ្លូវជាតិលេខ៦ ចន្លោះគីឡូម៉ែត្រលេខ៣០-៣១ ស្ថិតក្នុងភូមិ ព្រែកយាយហ៊ិន២ ឃុំឫស្សីជ្រោយ ស្រុកមុខកំពូលខេត្តកណ្តាល។

សមត្ថកិច្ចឲ្យដឹងថា បុរសដែលស្លាប់មានឈ្មោះ ម៉ង់ ចំរើន ភេទប្រុស អាយុ៥៨ឆ្នាំ មានទីលំនៅភូមិព្រែក
យាយហ៊ិន២ ឃុំឫស្សីជ្រោយ ស្រុកមុខកំពូល ខេត្តកណ្ដាល។

ប្រភពព័ត៌មានពីកន្លែងកើតហេតុ គេឃើញជនរងគ្រោះជិះកង់ឆ្លងថ្នល់ពីលិចទៅកើត លុះដល់ចំណុចកើតហេតុស្រាប់តែមាន រថយន្ត១គ្រឿងមិនស្គាល់ម៉ាកបើកបរពីត្បូងទៅជើង ហើយបានមកបុកកង់ដែលឆ្លងកាត់ផ្លូវខាងលើ បណ្ដាលឲ្យអ្នកជិះកង់ ស្លាប់នៅកន្លែងកើតហេតុ។ រថយន្តបានបន្តល្បឿនរត់គេចបាត់ស្រមោល។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកំណត់ហេតុ និងប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕