Post News Media ព័ត៌មានជាតិ ខ្លាំងមែន! ក្...

ខ្លាំងមែន! ក្មេងទំនើង១ក្រុមធំ ជិះម៉ូតូប្រដាប់ដោយដុំថ្ម កាំបិត ដាវ ស្ទាក់កាប់សិស្សសាលាទូកមាស

ចែកចាយបន្ត

កំពត: លោកអធិការរងស្រុកបន្ទាយមាសទទួលផ្នែកព្រហ្មទណ្ឌ បានប្រាប់ Post News ថា មានករណីក្មេងទំនើង១ក្រុមធំ ជិះម៉ូតូប្រដាប់ដោយដុំថ្ម កាំបិត ដាវ បានដេញស្ទាក់កាប់សិស្សសាលាវិទ្យាល័យ ទូកមាស មិនបណ្តាលឲ្យនរណារងរបួសឡើយ ។

ហេតុការណ៍នេះបានកើតឡើងកាលពីវេលាម៉ោង១០និង៤៥នាទី ព្រឹកថ្ងៃទី២៨ ខែមេសា ឆ្នាំ២០១៧ ស្រុកកំពង់ត្រាច ខេត្តកំពត។

លោកអធិការបានបន្តថា ក្រុមក្មេងទំនើងទី១មានឈ្មោះ ខែម វិចិត្រ ភេទប្រុស អាយុ១៨ឆ្នាំ ,ទី២ឈ្មោះ ទ្រី លីអៀង ភេទប្រុស អាយុ១៨ឆ្នាំ,ទី៣ឈ្មោះ ឈឿន ជាលៀង ភេទប្រុស អាយុ១៦ឆ្នាំ,ទី៤ឈ្មោះ វើយ ស៊ីពោល ភេទប្រុស អាយុ១៧ឆ្នាំ ,ទី៥ឈ្មោះ វ៉ាង សុខនី ភេទប្រុស អាយុ១៧ឆ្នាំ,ទី៦ឈ្មោះ ស៊ូ មឿយ ភេទប្រុស អាយុ១៧ឆ្នាំ,ទី៧ឈ្មោះ ពុត ភិរម្យ ភេទប្រុស អាយុ១៧ឆ្នាំ,ទី៨ឈ្មោះ ម៉ាង ម៉ៅ ភេទប្រុស អាយុ១៧ឆ្នាំ និងទី៩ ឈ្មោះ សម្បត្តិ ភេទប្រុស អាយុ១៦ឆ្នាំ ។

លោកបានបន្តទៀតថា មុនពេលកើតហេតុ គេឃើញក្រុមក្មេងទំនើង១ក្រុមធំ បានជិះម៉ូតូមកប្រហែលជា១៥គ្រឿង មានគ្នាជាង៣០នាក់ ប្រដាប់ដោយដុំថ្ម កាំបិត ដាវ បានមកពួនស្ទាក់នៅខាងត្បូងវិទ្យាល័យ ទូកមាស មានបំណងចាំកាប់សម្លាប់សិស្សវិទ្យាល័យ ទូកមាស ដែលចេញពីរៀន។ ក្រោយពីទទួលបានព័ត៌មានភ្លាម សមត្ថកិច្ចប៉ុស្តិ៍រដ្ឋបាល ចុះអន្តរាគមន៍ ឃាត់ខ្លួនបានក្រុមក្មេងទំនើងតែម្តង។

បច្ចុប្បន្ន ក្រុមក្មេងទំនើង ត្រូវបានសមត្ថកិច្ចឃុំខ្លួនជាបណ្តោះអាសន្ន ធ្វើការសាកសួរ និងកសាងសំណុំរឿង បញ្ជូនទៅកាន់តុលាការ ចាត់ការតាមនីតិវិធីច្បាប់៕