Post News Media ព័ត៌មានជាតិ រន្ធត់!ស៊ាំយ៉...

រន្ធត់!ស៊ាំយ៉ុងដឹកត្រយ៉ូងចេក ពន្លះម៉ូតូវ៉េវកំពុងបត់ចូលផ្ទះពេញទំហឹង រហូតមានមនុស្ស៤នាក់ស្លាប់និងរបួស

ចែកចាយបន្ត

ស្ទឹងត្រែង: លោកអធិការស្រុក ថាឡាបរីវ៉ាត់ បានប្រាប់Post Newsថា មានករណីគ្រោះថ្នាក់ចរាចរណ៍មួយបានកើតឡើង រវាងម៉ុតូវ៉េវ បានប៉ះជាមួយនឹងរថយន្តម៉ាកហ៊ីយ៉ាន់ដាយពេញទំហឹង បណ្តាលឲ្យមនុស្ស២នាក់ស្លាប់ និង២នាក់ទៀតរបួសធ្ងន់។

ហេតុការណ៍នេះបានកើតឡើងកាលពីវេលាម៉ោង៦និង៤នាទី យប់ថ្ងៃទី២៨ ខែមេសា ឆ្នាំ២០១៧ ស្ថិតនៅចំណុចផ្លូវជាតិលេខ៩ ភូមិវាលដេញ ឃុំអន្លង់ជ្រៃ ស្រុកថាឡាបរីវ៉ាត់ ខេត្តស្ទឹងត្រែង។

ជនរងគ្រោះដែលស្លាប់និងរបួសខាងលើនេះ ទី១មានឈ្មោះ សារ៉េន ធិតា ភេទស្រី អាយុ៤ឆ្នាំ ស្នាក់នៅភូមិឃុំកើតហេតុ។ ទី២ឈ្មោះ ធៀប សែប ភេទស្រី អាយុ២៨ឆ្នាំ បាក់ជើងខាងឆ្វេង។ ទី៣ឈ្មោះ សា រ៉េវរចនា ភេទស្រី អាយុ៧ឆ្នាំ របួសធ្ងន់ និងទី៤ឈ្មោះ ឡូយ ពុត របួសធ្ងន់សន្លប់បាត់ស្មារតី របួសពេញខ្លូន។

សមត្ថកិច្ចបានបន្តថា គ្រោះថ្នាក់ចរាចរណ៍នេះកើតឡើងរវាងរថយន្តម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 2D-6898 បើកបរក្នុងទិសដៅពីកើតទៅលិច តាមបណ្តោយផ្លូវ លុះដល់ចំណុចកើតហេតុ ក៏មានម៉ូតូម៉ាវ៉េវ ពណ៌ក្រហម ស៊េរីឆ្នាំ២០១៧ គ្មានស្លាកលេខ ជិះឌុបគ្នា៤នាក់ ធ្វើដំណើរក្នុងទិសដៅពីលិចទៅកើតបញ្ច្រាសទិសគ្នា ស្របពេលដែលម៉ូតូបម្រុងចូលចូលផ្ទះផងនោះ ក៏រថយន្តដែលមកបញ្ច្រាសគ្នាបុកពេញទំហឹងតែម្តង បណ្តាលឲ្យមានម្នាក់ស្លាប់ភ្លាមៗនៅនឹងកន្លែង និង៣នាក់ទៀតរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ប៉ុន្តែជាអកុសលពេលទៅដល់មន្ទីរពេទ្យ ក៏ស្លាប់ម្នាក់ទៀត នៅសល់តែ២នាក់ប៉ុណ្ណោះ។ ចំណែករថយន្តបង្កវិញ បានក្រឡាប់ផ្ងារជើងរងការខូចខាតយ៉ាងដំណំ៕