Post News Media ព័ត៌មានជាតិ ព្រឹកនេះ! បញ្...

ព្រឹកនេះ! បញ្ជូនខ្លួនជនសង្ស័យ ដែលដុតម៉ូតូ DUKE អ្នកដទៃទៅតុលាការ

ចែកចាយបន្ត

ភ្នំពេញ: នៅព្រឹកថ្ងៃទី១ ខែឧសភា ឆ្នាំ២០១៧នេះ សមត្ថកិច្ចខណ្ឌពោធិ៍សែនជ័យ បានបញ្ជូនខ្លួនជនសង្ស័យឈ្មោះ មុត រដ្ឋា ភេទប្រុស អាយុ៣២ឆ្នាំ មុខរបរគួកចេរឡាន ដែលបានបើករថយន្ត TUNDRA ដេញបុក និងវាយជនរងគ្រោះ យកម៉ូតូម៉ាក DUKE ដុតចោល ទៅតុលាការដើម្បីចាត់ការតាមនីតិវិធី។

ជនសង្ស័យ ខាងលើត្រូវបានសមត្ថកិច្ចខណ្ឌពោធិ៍សែនជ័យ ឃាត់ខ្លួនកាលពីថ្ងៃទី២៧ ខែមេសា ឆ្នាំ២០១៧ ក្រោយពីជនសង្ស័យ និងបក្ខពួកបានបើករថយន្តមួយគ្រឿងម៉ាក TUNDRA ពណ៌ខ្មៅ មិនមានស្លាកលេខ រួមជាមួយម៉ូតូ២ ទៅ៣គ្រឿងទៀត តាមបុកជនរងគ្រោះឈ្មោះ យ៉ាល់ យ៉ារ៉ា ហៅខួច ភេទប្រុស អាយុ២៤ឆ្នាំ មុខរបរនៅផ្ទះ ស្នាក់នៅផ្ទះជួល ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ និងបានលើកម៉ូតូ ម៉ាក់ DUKE របស់ជនរងគ្រោះ ដាក់លើរថយន្ត យកទៅដុតចោល នៅចំណុចក្រោយផ្សារឯករាជ្យ១ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

បច្ចុប្បន្នជនសង្ស័យ ត្រូវបានបញ្ជូនខ្លួនទៅកាន់សាលាដំបូងរាជធានីភ្នំពេញហើយ ដើម្បីរង់ចាំចំណាត់ការរបស់តំណាងអយ្យការ៕