Post News Media ព័ត៌មានជាតិ រថយន្តដឹកទឹកក...

រថយន្តដឹកទឹកកកអនាម័យបុករះទូរដែកនិងជញ្ជាំងរបស់គេ រងការខូចខាត

ចែកចាយបន្ត

ភ្នំពេញ: រថយន្តកូរ៉េដឹកទឹកកកអនាម័យ ស៊ុបភឺអាយ ១គ្រឿងបានបោះពួយទៅបុករេះទូដែក ដែលគេធ្វើសម្រាប់ដាក់លក់បារី បណ្តាលឲ្យបាក់ជញ្ជាំងរបងផ្ទះគេអស់មួយផ្ទាំង សង្ស័យអ្នកបើកបរងងុយដេក ប៉ុន្តែសំណាងល្អមិនមានអ្នករងរបួសឡើយ។

ហេតុការណ៍នេះបានកើតឡើងកាលពីវេលាម៉ោង១២និង៣៥នាទីថ្ងៃត្រង់ទី២ ខែឧសភា ឆ្នាំ២០១៧ នៅចំណុចមុខផ្ទះធ្វើទូដែក សម្រាប់លក់ តាមបណ្តោយផ្លូវ១៩៥៨ ភូមិទំនប់សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញមានរថយន្តកូរ៉េ១គ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ2AL-8914 ដែលមានដឹកទឹកកក យីហោ ស៊ុបភឺអាយ បើកបរដោយបុរសម្នាក់ឈ្មោះ ជា វិចិត្ត អាយុ២១ឆ្នាំ ក្នុងទិសដៅពីកើតទៅលិច លុះមកដល់ចំណុចកើតហេតុ ស្រាប់តែរថយន្តនោះបានរ៉េចង្កូតមកខាងឆ្វេងដៃទៅបុករេះទូដែក ដែលគេធ្វើរួចសម្រាប់ដាក់លក់បារីខូតខាតអស់៧ទូរ ហើយក៏ជ្រុលទៅបុកនិងជញ្ជាំងផ្ទះគេបាក់អស់មួយប្រឡោះស្មើរនិង៤ម៉ត្រែទើបរថយន្តទៅមុខលែងរួចប៉ុន្តែសំណាងល្អមិនមានអ្នករបួសនោះទេ។

ប្រភពព័ត៌មានពីនគរបាលចរាចរណ៍ខណ្ឌសែនសុខដែលចុះទៅដល់កន្លែងកើតហេតុ បានប្រាប់ឲ្យដឹងថា គ្រោះថ្នាក់ចរាចរណ៍កើតឡើង
រថយន្តដឹកទឹកកកអនាម័យ១គ្រឿងបើកបុករេះទូរដែកនិងជញ្ជាំងរបស់គេបាក់អស់មួយផ្ទាំងសង្ស័យអ្នកបើកបរងងុយដេក។

ក្រោយកើតហេតុ អ្នកបើកបរបានទំនាក់ទំនងទៅថៅកែឲ្យមកដោះស្រាយសងសំណងទៅភាគីរងគ្រោះ ដើម្បីបញ្ចប់រឿង៕