Post News Media ព័ត៌មានជាតិ Update៖ រថយន្...

Update៖ រថយន្តដឹកសាំង បុករថយន្តនីសាន់ បណ្ដាលឲ្យស្ត្រីម្នាក់ស្លាប់និងម្នាក់ទៀតរបួសធ្ងន់

ចែកចាយបន្ត

កំពង់ស្ពឺ: មន្ត្រីប៉ូលិសស្រុកភ្នំស្រួច បានប្រាប់ Post News ថា មានករណីគ្រោះថ្នាក់ចរាចរណ៍ រថយន្តម៉ាកអាំងទរ័ណះសាណាល់ បុករថយន្តម៉ាកនីសាន់ បណ្តាលលឲ្យស្ត្រីស្លាប់នៅនឹងកន្លែងនិងម្នាក់ទៀតរបួសធ្ងន់។

ហេតុការណ៍នេះបានកើតឡើងកាលពីវេលាម៉ោង ៤និង៥៥នាទីរសៀលថ្ងៃទី២ ខែឧសភា ឆ្នាំ២០១៧ នៅលើផ្លូវជាតិលេខ៤ ចន្លោះគីឡូម៉ែត្រ៨៩-៩០ ត្រង់ចំណុច ភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

មន្ត្រីប៉ូលិសបានបន្តថា មុនពេលកើតហេតុ គេឃើញ រថយន្ត១គ្រឿង ម៉ាក អាំងទរ័ណះសាណាល់ ពណ៌ស ទ្រុងពណ៌ខៀវ ពាក់ស្លាកលេខ 3D-2253 អ្នកបើកបរឈ្មោះ សុខ ភារ: ភេទប្រុស នៅភូមិសំរ៉ុង ឃុំសំរ៉ុង ស្រុកព្រៃនប់ ខេត្តព្រះសីហនុ បើកបរពីទិសខាងកើតទៅទិសខាងលិច លុះមកដល់ចំណុចកើតហេតុខាងលើ បានបុកជាមួយរថយន្ត១គ្រឿង ម៉ាកនីសាន់ ពណ៌ទឹកប៊ិច លាយស ពាក់ស្លាកលេខ ភ្នំពេញ 3A-6840 ដែលបើកបរ បញ្ច្រាសទិសគ្នា អ្នកបើកបរមិនស្គាល់អត្តសញ្ញាណ បានចុះរត់គិចខ្លួនបាត់ បណ្តាលឲ្យ អ្នកជិះក្នុងរថយន្ត ម៉ាកអាំងទរ័ណះសាណាល់ ឈ្មោះ ឆន សំណាង ភេទស្រី អាយុ២៧ឆ្នាំ ជាប្រពន្ធអ្នកបើកបរ ស្លាប់នៅនឹងកន្លែងកើតហេតុ នឹង ឈ្មោះ សុខ ភារ: របួសធ្ងន់។ ជនរងគ្រោះបានបញ្ជូនទៅមន្ទីពេទ្យបង្អែក ខេត្តកំពង់ស្ពឺ។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយកមធ្យោបាយទាំង២គ្រឿងមករក្សាទុក រង់ចាំការដោះស្រាយគ្នានាពេលក្រោយ។ ចំណែកសាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ចែកចាយបន្ត