Post News Media ព័ត៌មានជាតិ មុខសញ្ញាគាស់ផ...

មុខសញ្ញាគាស់ផ្ទះ និងប្រើប្រាស់គ្រឿងញៀនម្នាក់ ត្រូវបានសមត្ថកិច្ចឃាត់ខ្លួនបាន !

ចែកចាយបន្ត

ភ្នំពេញ: កម្លាំងនគរបាលប៉ុស្តិ៍ស្ទឹងមានជ័យ ធ្វើការឃាត់ខ្លួនមុខសញ្ញាគាស់ផ្ទះ និងប្រើប្រាស់គ្រឿងញៀនម្នាក់ កាលពីម៉ោង៣ និង២០នាទី ទៀបភ្លឺ ថ្ងៃទី៦ ខែឧសភា ឆ្នាំ២០១៧ ស្ថិតនៅចំណុចផ្លូវបេតុងសឡា ភូមិទ្រា១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

មុននឹងឈានដល់ការចាប់ខ្លួនបានជនសង្ស័យខាងលើ កម្លាំងនគរបាលប៉ុស្តិ៍ស្ទឹងមានជ័យ បានដឹកនាំកម្លាំងចុះល្បាតក្នុងភូមិសាស្រ្ត ក៏ប្រទះឃើញជនសង្ស័យខាងលើ កុំដើរតាមផ្លូវ ដោយមានការសង្ស័យ សមត្ថកិច្ចបានឃាត់ឲ្យឈប់ដើម្បីត្រួតពិនិត្យស្រាប់តែជនសង្ស័យព្យាយាមរត់គេចខ្លួន តែត្រូវកម្លាំងសមត្ថកិច្ចធ្វើការឃាត់ខ្លួនបានភ្លាមៗ និងឆែកឆេររកឃើញដែកប្រដាប់កាច់សោកម៉ូតូចំនួន១ និងម្សៅក្រាម ពណ៌សថ្លា សង្ស័យជាសារធាតុញៀន១កញ្ចប់ថង់តូច។

ជនសង្ស័យរូបនេះមានឈ្មោះ សាន រ៉ាវុធ ភេទប្រុស អាយុ៣៨ឆ្នាំ មុខរបរជាងសំណង់ មានស្រុកកំណើតនៅភូមិអាចារ្យលក្ខ ឃុំអាចារ្យ ស្រុកស្ទឹងសែន ខេត្តកំពង់ធំ បច្ចុប្បន្ន ស្នាក់នៅផ្ទះជួលភូមិថ្មី សង្កាត់ស្ទឹងមានជ័យ ខណ្ឌមានជ័យ។

តាមចម្លើយសារភាពរបស់ជនសង្ស័យបានឲ្យដឹងថា ខ្លួនបានដើររកលួចទ្រព្យសម្បត្តិប្រជាពលរដ្ឋតាមផ្ទះតែមិនទាន់បានលួចផងត្រូវសមត្ថកិច្ចហៅត្រួតពិនិត្យឃើញមានដែកកាច់សោកម៉ូតូនៅជាប់នឹងខ្លួន ហើយនិងថ្នាំញៀន១មួយកញ្ចប់ថង់តូច ដែលខ្លួនបានទិញពីមុខពេទ្យលោកសង្ឃទុកសម្រាប់យកមកប្រើ កុំឲ្យងងុយដេកដើម្បីធ្វើសកម្មភាពដើរលួច។

បច្ចុប្បន្នជនសង្សយ័ខាងលើត្រូវបានបញ្ជូនខ្លួនមកសាកសួរបន្តរនៅប៉ុស្តិ៍នគរបាលស្ទឹងមានជយ័ចាត់ការតាមនីតិវិធិច្បាប់៕